Məscidin tualetində 65 yaşlı kişinin meyiti tapıldı - VİDEO

İstanbulun Başakşehir rayonunda yerləşən bir məscidin tualetində yaşlı bir kişiyə aid cansız bədən aşkar edilib.

Sonxeber.az türk mediasına istinadən xəbər verir ki, hadisə saat 16:30 radələrində İkitelli OSB məhəlləsində yerləşən Güngören Sənaye Saytı Məscidində baş verib.

İlkin məlumata görə, məscidin tualetlərini yoxlayan işçi içəridə bir şəxsin hərəkətsiz vəziyyətdə uzandığını görüb və dərhal aidiyyəti qurumlara məlumat verib.

Hadisə yerinə gələn təcili tibbi yardım və polis əməkdaşları aparılan yoxlama zamanı həmin şəxsin həyatını itirdiyini müəyyən ediblər.

Polisin apardığı araşdırma nəticəsində ölən şəxsin 65 yaşlı Niyazi B. olduğu müəyyən edilib. Şübhəli ölüm kimi qeydə alınan hadisə ilə əlaqədar polis və prokurorluq əməkdaşları tərəfindən hadisə yerində müvafiq baxış keçirilib.

Araşdırmalar başa çatdıqdan sonra Niyazi B.-nin meyiti müayinə üçün Məhkəmə-Tibbi Ekspertiza İnstitutunun morquna aparılıb.

Faktla bağlı istintaq tədbirləri davam etdirilir.

Telegramda izləyin