Üzünüzə sürtüb yatın - Səhər qırışlar yox olacaq

Üzüm çəyirdəyi yağı dərini gəncləşdirmək və müxtəlif dermatoloji problemləri aradan qaldırmaq üçün ən effektiv təbii vasitələrdən biri hesab olunur.

Milli.Az xəbər verir ki, mütəxəssislər üzüm çəyirdəyindən əldə edilən yağın kollagen istehsalını artıraraq yaşlanma əlamətlərini minimuma endirdiyini bildirirlər. Təbii tərkibli bu məhsul nəinki qırışlarla mübarizə aparır, həm də ekzema, sədəf və göbələk kimi ciddi dəri xəstəliklərinin müalicəsində mühüm rol oynayır.

Üzüm çəyirdəyi yağı zəngin E vitamini və flavonoid mənbəyidir. Bu maddələr sərbəst radikallara qarşı qalxan yaradaraq dərinin hüceyrə səviyyəsində yenilənməsini təmin edir. Tərkibindəki linoleik turşusu sayəsində dərinin rəng tonu bərabərləşir, ləkələr və rəng fərqləri vizual olaraq azalır.

Həm yağlı, həm də quru dərilər üçün uyğun olan bu yağ, dərinin yağ balansını tənzimləyir. Antiinflamatuar (iltihab əleyhinə) xüsusiyyətləri isə dəridəki qızartı və qıcıqlanmaları sürətlə sakitləşdirir. Eyni zamanda, ultrabənövşəyi (UV) şüaların zərərli təsirlərindən qorunmaq və erkən yaşlanmanın qarşısını almaq üçün ideal vasitədir.

Telegramda izləyin