Yaşayış məntəqələrinin daxilində yerləşən qeyri-yaşayış obyektləri dövlət torpağı kimi qeydiyyata alınır

Bəzi yerlərdə yaşayış məntəqələrinin daxilində yerləşən qeyri-yaşayış obyektləri dövlət torpağı kimi qeydiyyata alınır.

Sonxeber.az xəbər verir ki, bunu Azərbaycan Qəsəbə Bələdiyyələrinin Milli Assosiasiyasının sədri Hümbət Hüseynov Milli Məclisin Regional məsələlər komitəsinin bugünkü iclasında deyib.

O qeyd edib ki, bələdiyyə xəritələrinin verilməməsinin əsas səbəblərindən biri də məhz bu boşluqdur:

"Çünki xəritələr təqdim olunsa, həmin torpaq sahələrinin heç olmasa müəyyən bir hissəsinin bələdiyyə mülkiyyətinə aid olduğu üzə çıxar. Axı bütün torpaqların dövlət mülkiyyətində olması mümkün deyil. Əgər bu xəritələr bələdiyyələrə təqdim edilsəydi, bələdiyyələr müəyyən maliyyə imkanları da əldə edə bilərdilər".

Bu il "Şəhərsalma və Memarlıq İli" elan edildiyini xatırladan sədr təklif edib ki, cari ildə Bakı şəhərinin bələdiyyə xəritələri təqdim olunsun:

"Bu məsələ dəfələrlə qaldırılıb, dəfələrlə çıxışlarda səsləndirilib, lakin bugünədək öz həllini tapmayıb".

Telegramda izləyin