"Hakan Ustaa SHEFZadə" restoranı vergidən necə yayınır?

20 Yanvar metrosu ətrafında fəaliyyət göstərən bəzi kafe və restoranlarda posterminalların olmaması ilə bağlı narazılıqlar artır.

XALQ-ın məlumatına görə, ölkədə vergidən yayınma üsullarından biri kimi ticarət, iaşə obyektlərində və restoranlarda posterminalların quraşdırılmaması halları göstərilir. Müştərilər hesabı ödəyərkən posterminal tələb etdikdə onlara daha çox "kartdan-karta köçürmə edə bilərsiniz" cavabı verilir.

Posterminalın niyə olmadığı soruşulduqda isə müxtəlif bəhanələr səsləndirilir. Ən çox deyilən arqumentlər "obyekt yenidir", "posterminal digər filialdadır" və ya "hazırda işləmir" kimi izahlarla məhdudlaşır.

Bu hal xüsusilə 20 Yanvar dairəsi yaxınlığında yerləşən bəzi obyektlərdə müşahidə olunur. Məsələn, "Hakan Ustaa SHEFZadə" dönər restoranı və ona bitişik bir neçə iaşə məkanında ödənişlərin əsasən kartdan-karta köçürmə yolu ilə qəbul edir.

Məsələ ilə bağlı iddialar ondan ibarətdir ki, bəzi obyekt sahibləri gündəlik dövriyyəni gizlətmək və vergi öhdəliklərindən yayınmaq üçün bu üsula üstünlük verə bilərlər.

Qeyd edək ki, qüvvədə olan qanunvericiliyə əsasən, nağdsız ödənişlərin təşviqi və şəffaflığın təmin edilməsi məqsədilə bir çox sahibkarlıq subyektləri üçün posterminalların quraşdırılması tələb olunur.Vətəninfo.az

Telegramda izləyin