ABŞ-li sabiq kəşfiyyat zabiti İranda məktəbin vurulmasına sərt reaksiya verib - VİDEO

ABŞ-li sabiq kəşfiyyat zabiti Scott Ritter qatıldığı televiziya proqramında ABŞ və İsrailin İranda məktəbi hədəf almasına sərt reaksiya verib.

Onun sözlərinə görə, ABŞ-İsrail birgə hücumları zamanı İranda iki ibtidai məktəb də vurulub və nəticədə çoxsaylı insan həyatını itirib. Hücum beynəlxalq ictimaiyyətdə ciddi narazılıq doğurub.

Sonxeber.az xarici mediaya istinadən xəbər verir ki, televiziya çıxışı zamanı Ritter əməliyyatın məqsədini anlaya bilmədiyini bildirib. O, "İranda iki ibtidai məktəbi bombaladıq. Tanrı xətrinə, iki ibtidai məktəbi bombalamağımızın səbəbi nədir?" ifadələrini işlədib.

Ritter həmçinin qeyd edib ki, ailələr ABŞ-ın "diplomatik proses davam edir" açıqlamalarına inanaraq övladlarını məktəbə göndəriblər. Onun iddiasına görə, dağıntılar altında çox sayda məktəbli qız uşağı qalıb.

Məsələ ilə bağlı rəsmi Vaşinqton və ya Təl-Əviv tərəfindən hadisənin detalları barədə əlavə açıqlama verilməyib. Hadisə bölgədə onsuz da yüksək olan gərginliyi daha da artırıb və beynəlxalq hüquq, mülki obyektlərin qorunması məsələsini yenidən gündəmə gətirib.

Telegramda izləyin