"Dünyanı sevgi xilas edəcək" dedirən görüntülər - VİDEO

Təbiətdə gəzintiyə çıxan bir qadının etdiyi hərəkət sosial mediada böyük rəğbətlə qarşılanıb. O, su ilə dolu çuxura düşərək çətin vəziyyətdə qalan dayçanı xilas edib.

Sonxeber.az türk mediasına istinadən xəbər verir ki, hadisə zamanı qadın dayçanın çuxurdan çıxa bilmədiyini görərək tərəddüd etmədən suya daxil olub. Bir müddət çalışdıqdan sonra o, balaca heyvanı çuxurdan çıxarmağa nail olub.

Xilas edilən dayça daha sonra onu narahatlıqla gözləyən sürüsünün yanına buraxılıb. Sosial şəbəkələrdə yayılan görüntülər istifadəçilər tərəfindən böyük rəğbətlə qarşılanıb.

Bir çox insan bu hadisəni paylaşaraq "Dünyanı sevgi xilas edəcək" şərhini yazıb və qadının cəsarətli addımını yüksək qiymətləndirib. Video qısa müddətdə minlərlə baxış toplayaraq internetdə geniş müzakirələrə səbəb olub.

Telegramda izləyin