80 yaşlı kişi evində ölü tapıldı

Eskişehir şəhərinin Odunpazarı rayonunda 80 yaşlı kişi yaşadığı evdə ölü tapılıb.

Sonxeber.az türk mediasına istinadən xəbər verir ki, hadisə Yıldıztepe məhəlləsində baş verib. Məlumata görə, burada yaşayan Dursun Baycanın qonşuları mənzildən pis qoxu gəldiyini hiss edərək polisə məlumat veriblər.

Ünvana gələn polis əməkdaşları evdə hərəkətsiz vəziyyətdə olan yaşlı kişinin həyatını itirdiyini müəyyən ediblər. Prokurorun hadisə yerində apardığı ilkin baxışdan sonra meyit müayinə üçün Eskişehir Şehir Hastanesinin morquna aparılıb.

Bildirilir ki, Baycan 3 ay əvvəl həyat yoldaşını itirib. Faktla bağlı araşdırma aparılır.

Telegramda izləyin