Girdiyi mağazada dəhşət yaşadı: "Çamadandan qan damlayırdı" - VİDEO

Yaponiyada mağazalardan birində qeydə alınan görüntülər sosial şəbəkələrdə geniş müzakirələrə səbəb olub.

Sonxeber.az türk mediasına istinadən xəbər verir ki, türk vətəndaşı olan bir qadın mağazada əlində çamadan daşıyan şəxsin çamadanının altından qan axdığını görərək hadisəni mobil telefonu ilə lentə alıb.

Görüntülərdən məlum olur ki, qadın mağazaya daxil olduqdan sonra əlində çamadan olan bir şəxsi görür. Bir qədər sonra isə çamadanın alt hissəsindən yerə qan damladığını fərq edir.

Hadisəni telefon kamerası ilə qeydə alan qadın yaşadığı qorxu və təəccübü gizlədə bilməyib. Videoda onun "Hazırda qanım dondu, ümid edirəm düşündüyüm şey deyil. Çamadanın altından qan damlayır" sözləri eşidilir.

Qısa müddətdə sosial şəbəkələrdə yayılan görüntülər geniş müzakirələrə səbəb olsa da, hadisənin əsl səbəbi ilə bağlı rəsmi qurumlar tərəfindən hələlik hər hansı açıqlama verilməyib.

Telegramda izləyin