Azyaşlının əlindəki telefon partladı - VİDEO

Çində telefonla oynayan uşaq cihazın qəfil partlaması nəticəsində ölümdən son anda xilas olub.

Sonxeber.az xarici mediaya istinadən xəbər verir ki, hadisə evdə quraşdırılmış təhlükəsizlik kamerası tərəfindən saniyə-saniyə qeydə alınıb.

Bildirilir ki, evində telefonla oyun oynayan uşağın əlindəki smartfon qəfil alovlanaraq partlayıb. Kadrlarda telefonun bir anda alışdığı və güclü partlayış baş verdiyi görünür.

Partlayışın təsirindən nə baş verdiyini anlamayan uşaq telefonu əlindən yerə atıb və xoşbəxtlikdən ciddi xəsarət almadan xilas olub.

Mütəxəssislər bu cür hadisələrin qarşısını almaq üçün valideynləri ehtiyatlı olmağa çağırır. Onların sözlərinə görə, telefon istifadə edilərkən cihazın həddindən artıq qızmasına diqqət yetirilməli, xüsusilə də qeyri-orijinal enerji doldurma qurğularından istifadə edilməməlidir. Belə halların batareyanın qızmasına və partlayış riskinin artmasına səbəb ola biləcəyi vurğulanır.

Telegramda izləyin