"İlham Əliyevin XIII Qlobal Bakı Forumunda səsləndirdiyi fikirlər regionun siyasi reallığında yeni mərhələni təsdiqləyir" - AÇIQLAMA

Azərbaycan və Ermənistan ticarət əlaqələri qurub, bu da əldə olunmuş sülhün uzunmüddətli olmasından xəbər verir.

Bu barədə Azərbaycan Prezidenti İlham Əliyev XIII Qlobal Bakı Forumunun açılışında bildirib.

Dövlət başçısı vurğulayıb ki, Bakı və İrəvan sülhə nail olublar, "təkcə kağız üzərində deyil, o, reallığa çevrilib".

"Sərhədlərimizdə sakitlik hökm sürür. Biz ticarət əlaqələri qurmuşuq. Bu, sülhün uzunmüddətli olduğuna, əsrlər boyu davam edəcəyinə dəlalət edir", - o bildirib.

"Azərbaycan Prezidenti İlham Əliyevin XIII Qlobal Bakı Forumunda səsləndirdiyi fikirlər regionun siyasi reallığında yeni mərhələni təsdiqləyir", - bunu Sonxeber.az -a açıqlama verən politoloq Tural İsmayılov deyib:

"Bakı və İrəvan arasında ticarət əlaqələrinin qurulması sadəcə iqtisadi əməkdaşlıq deyil, həm də uzunmüddətli sülhün möhkəmlənməsi üçün ən güclü zəmanətdir. Sərhədlərdə sakitliyin hökm sürməsi, qarşılıqlı asılılığın yaranması və iqtisadi inteqrasiyanın başlaması münaqişə risklərini minimuma endirir.

Azərbaycan bu addımla öz diplomatik iradəsini iqtisadi mexanizmlərlə gücləndirərək sülhün davamlılığını təmin edir. Bu, həm ölkənin regional liderliyini möhkəmləndirir, həm də beynəlxalq aləmdə Bakı üçün reputasiya üstünlüyü yaradır".

Telegramda izləyin