Məktəbli qızlar sinif yoldaşlarını damdan atmağa cəhd edib - VİDEO

Çində məktəblərdən birində baş verən dəhşətli hadisə faciə ilə nəticələnməkdən son anda xilas olub.

Sonxeber.az xarici mediaya istinadla xəbər verir ki, iki qız şagird məktəb yoldaşını binanın damından aşağı atmağa cəhd edib.

Hadisə zamanı zərərçəkən şagird müqavimət göstərsə də, digər iki qız onu damın kənarına doğru itələməyə davam edib. Həmin anlar mobil telefon kamerası ilə qeydə alınıb.

Vəziyyəti vaxtında görən müəllim dərhal hadisə yerinə qaçaraq müdaxilə edib. O, şagirdləri ayıraraq zərərçəkəni təhlükəsiz əraziyə çıxarıb və mümkün faciənin qarşısını alıb.

Sosial şəbəkələrdə geniş müzakirələrə səbəb olan görüntülərdən sonra hadisə ilə bağlı araşdırmalara başlanıldığı bildirilib. Hadisənin başvermə səbəbləri və iştirakçıların məsuliyyəti araşdırılır.

Telegramda izləyin