Qarabağda Azərbaycanın ən böyük dəstəkçisi

Ermənistan mətbuatı erməniləri qorxudan əsas səbəbləri açıb

Erməni mətbuatından belə görünür ki, müxtəlif ölkələrdəki erməni diasporu artıq Ermənistandakı müharibə partiyasına - hakimiyyəti ələ keçirmiş Qvarabağ klanına inanmır.

Bu barədə İrəvanda dərc olunan "Joxovurd" qəzeti yazıb.

Ermənistan prezidenti Serj Sarkisyanın Fransaya səfəri zamanı erməni mənşəli biznesmenləri ölkəyə sərmayə yatırmağa səsləməsini şərh edən "Joxovurd" və "Qraparak" qəzetləri yazır: "Çağdaş dünyada bu cür çağırışların nə dərəcədə əsaslı olduğunu yoxlamaq bir neçə dəqiqə çəkir… Ermənistan rəhbərliyinin təqdim etdiyi ümidli mənzərə ilə gerçəklik kəskin fərqlənir".
Qraparak" isə məsələyə daha dəqiq yanaşıb: "Böyük hesabla, diaspor artıq çoxdan Ermənistan hakimiyyətinə inanmağı dayandırıb. Diaspor artıq çoxdan Ermənistandakı vəziyyəti olduğu kimi görür. O görür və əmin olur ki, pul kisəsinin ağzını möhkəm saxlamalıdır. Çünki Ermənistanı tərk edən hər bir ailə diaspora öz hekayəsini gətirir".

Yəni qəzetin yazdığına görə, diaspor Ermənistandan köçənlərə yardım etməyə məcburdur. Buna görə Serj Sarkisyan artıq diaspordan lazımi köməyi ala bilmir. Rusiya Mərkəzi Bankının hesabalmalarına görə, əvvəllər Rusiyadakı erməni diasporu ölkəyə 3,5 milyard dollara yaxın pul göndərib. İndi isə bu vəsait 3 dəfəyə qədər azalıb. Bu isə Ermənistanda iqtisadi vəziyyəti pisləşdirir və Serj Sarkisyan hakimiyyətinin Qarabağ müstəvisində manevr imkanlarını aşağı salır. Müstəqil hesablamalara görə, Ermənistan ÜDM-nin 40%-i diasporun transfertləri hesabına formalaşır. Yəni ÜDM-in azalması istər-istəməz ölkənin hərbi gücünün azalması deməkdir.

Dasporun göndərdiyi vəsaitlərin azalması pul göndərilən bir çox ailələrin Ermənistanı bir dəfəlik tərk etməsi ilə bağlıdır. Rəsmi statistikaya görə, hər il Ermənistanı hər il 60 min adam tərk edir. Amma bu, Ermənistandan real miqrasiya göstəricilərini əks etdirmir. Real göstğəricilər daha yüksəkdir. Statistikaya görə, müstəqillik illərində Ermənistanın əhalisi 3,7 milyondan 2,9 milyona qədər, yəni 0,8 milyon nəfər azalıb. Amma erməni diaspora təşkilatları əhalinin real olaraq 2,3 milyon nəfərdən çox azalmasından bəhs edirlər. İki il qabaq Fransadakı erməni diasporunun rəhbəri Ermənistanda cəmi 1,4 milyon adamın yaşadığını vurğulamışdı.

Bu rəqəmin rəsmi statistika ilə fərqi Rusiya vətəndaşlığı almış ermənilərin Ermənistan vətəndaşlığından çıxarılmamasından qaynaqlanır. Yəni çoxdan Rusiyada yaşayan ermənilər bu ölkənin vətəndaşı olsa da, Ermənistan vətəndaşlığından çıxarılmayıb. Erməni diaspora təşkilatları Rusiyada 3 milyon erməninin daimi yaşadığını bildirirlər. Bunların 1,2 milyonu Rusiyada əvvəldən yaşayan ermənilər, 600 mini isə əmək miqrantıdır. 1,2 milyon erməni isə ikili vətəndaşlığa malik olanlardır.

Rusiyaya köçənlər əsasən kənd adamlarıdır. Rəsmi statistikaya görə, müstəqillik illərində Ermənistanda 100-dən çox kənd ləğv edilib. 300-ə yaxın kənddə isə yalnız yerli hakimiyyət nümayəndələrinin ailələri qalıb. Ermənistan ekspertləri Rusiyada qəbul edilən yeni qanundan sonra xaraba qalıb ləğv ediləcək. Erməni deputat Zarui Postancyan bunu Ermənistan daxilində itirilmiş ikinci Qarabağ kimi dəyərləndirib.

Mənbə: istipress

Telegramda izləyin

instagramda izləyin