Suvarma kanalına girən uşağı atası kəmərlə döydü - VİDEO

Türkiyənin Adana şəhərində sərinlənmək üçün suvarma kanalına girən uşaq atası tərəfindən kəmərlə döyülüb.

Sonxeber.az xarici mediaya istinadla xəbər verir ki, hadisə ətrafdakı şəxslər tərəfindən mobil telefonla lentə alınıb.

Hadisə günorta saatlarında Seyhan rayonunun Kıyıboyu küçəsində baş verib. Məlumata görə, bir qrup uşaq isti havadan qorunmaq üçün suvarma kanalına girərək çimməyə başlayıb.

Bir müddət sonra uşaqlardan birinin atası hadisə yerinə gələrək oğlunun kanalda olduğunu görüb və ona sərt reaksiya verib. Atasının çağırışından sonra uşaq sudan çıxıb.

Bundan sonra qəzəblənən ata oğlunu yerə uzadaraq kəmərlə döyüb. Uşağın qışqırıqları ətrafa yayıldığı vaxt hadisə yerində olan şəxslər müdaxilə edərək atanı sakitləşdirməyə çalışıblar.

Yaşanan anlar ərazidə olan bir vətəndaş tərəfindən mobil telefonun kamerası ilə qeydə alınıb.

Telegramda izləyin