Milli Məclisin deputatı Şahin Seyidzadə seçicilərinə hesabat verdi - FOTO

Milli Məclisin deputatı Şahin Seyidzadə seçicilərinə hesabat verib.

Sonxeber.az xəbər verir ki, deputat qeyd edib ki, VII çağırış Azərbaycan Respublikası Milli Məclisinin 2026-cı il yaz sessiyası dövründə parlament fəaliyyəti ilə yanaşı, vətəndaşlarla birbaşa ünsiyyətin təmin olunması və ictimaiyyətin mütəmadi məlumatlandırılması əsas prioritetlərdən biri olub.

Deputat qeyd edib ki, artıq 2026-cı ilin yarısını geridə qoymuşuq:

"VII çağırış Azərbaycan Respublikası Milli Məclisinin 2026-cı il yaz sessiyası ərzində də sizlərlə daim ünsiyyətdə olmuş, fəaliyyətimizi açıq şəkildə davam etdirmişik.

Fəaliyyət dövründə Qobustan, Şamaxı və İsmayıllı rayonlarında ümumilikdə 60 vətəndaş qəbulu keçirilmişdir. Qəbullarda 1 şəhər, 6 qəsəbə və 73 kəndi təmsil edən 618 seçici iştirak etmiş, ümumilikdə seçicilər tərəfindən 1191 müraciət daxil olmuşdur. Daxil olan müraciətlər üzrə müvafiq araşdırmalar aparılmış, qaldırılan məsələlərin həlli istiqamətində mərkəzi və yerli icra hakimiyyəti orqanları qarşısında müvafiq məsələlər qaldırılmışdır.

Eyni zamanda, fəaliyyət dövrü ərzində vətəndaşları narahat edən məsələlərin həlli istiqamətində görülən işlər, müraciətlərə qanunvericiliyin tələblərinə uyğun baxılmasının təmin edilməsi, eləcə də dövlətin gündəmində olan mövzularla bağlı media resurslarında həyata keçirilən kommunikasiya fəaliyyəti barədə hesabat hazırlanaraq müraciət etmiş vətəndaşlara poçt vasitəsilə göndərilmişdir".

Telegramda izləyin