"Məhəmməd Mustafanın səfəri Azərbaycan-Fələstin arasındakı qardaşlıq münasibətlərinin gücləndirilməsinə töhfə verəcək" - DEPUTAT

"Azərbaycan və Fələstin arasında münasibətlər dostluq, qarşılıqlı hörmət və beynəlxalq hüquqa dəstək prinsipləri üzərində qurulub".

Bunu Sonxeber.az-a danışan deputat Azər Badamov bildirib.

Deputat qeyd edib ki, Azərbaycan və Fələstin arasında diplomatik münasibətlər 1992-ci ildə qurulub. Hər iki ölkə qarşılıqlı səfirliklər vasitəsilə əməkdaşlıq edir:

"Azərbaycan BMT-nin müvafiq qətnamələrinə uyğun olaraq, paytaxtı Şərqi Qüds olmaqla müstəqil və suveren Fələstin dövlətinin yaradılmasını, yəni iki dövlət həllini dəstəklədiyini dəfələrlə bəyan edib. Azərbaycan müxtəlif illərdə Fələstin xalqına humanitar və maliyyə yardımları göstərib, xüsusilə səhiyyə, təhsil və sosial sahələrdə dəstək verib.

Azərbaycan və Fələstin BMT, İslam Əməkdaşlıq Təşkilatı və digər beynəlxalq platformalarda əməkdaşlıq edir. Fələstin də Azərbaycanın suverenliyi və ərazi bütövlüyünə dəstəyini ifadə edib.

Azərbaycan Prezidenti İlham Əliyev hazırda ölkəmizdə səfərdə olan Fələstinin Baş naziri Məhəmməd Mustafanı qəbul edib. Ölkə başçısı görüş zamanı Azərbaycanın paytaxtı Şərqi Qüds olmaqla, müstəqil və suveren Fələstin dövlətinin yaradılmasını dəstəklədiyini bir daha vurğulayıb.

Hazırda Fələstində hazırda çətin vəziyyətin hökm sürdüyünü deyən Məhəmməd Mustafa deyərək ölkəmizin göndərdiyi humanitar yardımlara görə dövlət başçımız İlham Əliyevə təşəkkür edib. Baş nazir qeyd edib ki, Azərbaycanın Fələstinə göstərdiyi dəstəyi, həmçinin humanitar dəstək kimi Fələstində orta məktəbin tikintisi ilə bağlı niyyətinin ölkəsi tərəfindən yüksək qiymətləndirilib.

Xüsusilə də, Ramallah şəhərində Azərbaycanın Təmsilçilik Ofisinin açılması, Fələstinin səfirliyinin xərclərinin isə Azərbaycan dövləti tərəfindən qarşılanması ikitərəfli əlaqələrimizin yüksək səviyyədə olmasının göstəricisidir.

Bilirsiniz ki, 2013-cü ildə Azərbaycanın ev sahibliyi etdiyi "İslam Maliyyə Təhlükəsizliyi Şəbəkəsinin yaradılmasına dair Konfrans"ın və "Qüds şəhərinin inkişaf etdirilməsi məqsədilə sektor planının maliyyələşdirilməsinə dair Donor ölkələrin Konfransı"nın nəticəsi olaraq Azərbaycanın Fələstinə 5 milyon dollar maliyyə yardımı etmişdi. Eyni zamanda Azərbaycan BMT-nin UNRWA təşkilatı vasitəsilə də Fələstinə yardım edir.

Deputat vurğulayıb ki, "Heydər Əliyev adına Beynəlxalq Təhsil Qrantı" hesabına 23, ümumilikdə isə 37 fələstinli tələbənin Azərbaycanda təhsil alıb :

"Görüşdə ikitərəfli əlaqələrin genişləndirilməsi və əməkdaşlığın inkişafı ilə yanaşı, Fələstinin bəzi kənd təsərrüfatı məhsullarının ölkəmizə güzəştli şərtlərlə ixracı məsələsi müzakirə olunub. Ümumilikdə isə Fələstin Baş naziri Məhəmməd Mustafanın ölkəmizə səfəri iki ölkə arasındakı qardaşlıq münasibətlərinin gücləndirilməsinə töhfə verəcək".

Telegramda izləyin