Çimərlikdə çətir üstündə dava: Qadının da döyüldüyü iddia olunur - VİDEO

Türkiyənin İzmir vilayətinin Çeşmə rayonunda yerləşən məşhur Altınkum çimərliyində öz çətirini qurmaq istəyən vətəndaşla ərazini icarəyə götürdüyünü bildirən özəl obyektin əməkdaşları arasında dava baş verib.

Sonxeber.az xarici mediaya istinadla xəbər verir ki, vətəndaş dənizə girmək üçün çimərliyin həmin hissəsində şəxsi çətirini qurmaq istəyib. Lakin obyekt əməkdaşlarının müdaxiləsindən sonra tərəflər arasında əvvəlcə mübahisə, daha sonra isə əlbəyaxa dava yaranıb.

Davaya müdaxilə edərək tərəfləri ayırmağa çalışan bir qadının da bu zaman xəsarət aldığı iddia olunur.

Hadisə ərazidə olan şəxslər tərəfindən mobil telefonun kamerası ilə lentə alınıb. Faktla bağlı araşdırma aparılır.

Telegramda izləyin