Rusiya Ukraynanın enerji sisteminə ağır zərbə endirdi - Bir neçə regionda elektrik kəsildi

Rusiya ordusu Ukraynanın enerji infrastrukturuna genişmiqyaslı hücumlar həyata keçirib. Hücumlar nəticəsində ölkənin bir neçə regionunda elektrik enerjisinin verilişində fasilələr yaranıb.

Reuters-in məlumatına görə, Rusiya qüvvələri gecə saatlarında Ukraynanın müxtəlif regionlarında enerji obyektlərini hədəfə alıb. Zərbələr nəticəsində elektrik yarımstansiyalarına və digər infrastruktur obyektlərinə ziyan dəyib. Ukraynanın enerji sistemində yaranan problemlər xüsusilə qış mövsümü ərəfəsində narahatlıq doğurur. Ukrayna rəsmiləri Rusiyanın enerji obyektlərinə hücumlarının davam etdiyini bildirirlər. Moskva isə hərbi əməliyyatlar çərçivəsində Ukraynanın hərbi və enerji infrastrukturu ilə əlaqəli obyektlərinin hədəf alındığını açıqlayıb.

Rusiya ordusu Donetsk istiqamətində hücumları gücləndirdi - Ən şiddətli döyüşlər bu ərazilərdədir

Rusiya və Ukrayna qüvvələri arasında Donetsk vilayətində döyüşlər intensivləşib. Xüsusilə Pokrovsk və Konstantinovka istiqamətlərində ağır toqquşmaların baş verdiyi bildirilir.

Ukrinform-un Ukrayna Silahlı Qüvvələrinin Baş Qərargahına istinadən yaydığı məlumata görə, cəbhə xəttinin müxtəlif istiqamətlərində son sutka ərzində 156 döyüş toqquşması qeydə alınıb. Rusiya hərbçiləri Ukrayna müdafiə mövqelərini yarmağa və mövqelərini genişləndirməyə çalışıblar. Məlumata əsasən, Rusiya ordusu sutka ərzində 71 aviazərbə endirib, 247 idarəolunan aviasiya bombası və 7 709 kamikadze dronundan istifadə edib. Cəbhənin digər istiqamətlərində də döyüşlərin davam etdiyi bildirilir.

Rusiya ordusunun Donbas istiqamətində irəliləyişi zəifləyib - Yeni hücumlara hazırlaşır

Sonxeber.az Reuters-ə istinadən xəbər verir ki, Rusiya ordusunun Ukraynanın şərqində, xüsusilə Donetsk vilayətində apardığı quru əməliyyatlarının tempi zəifləyib. Bununla belə, Moskva bölgədə hərbi təzyiqi davam etdirir və yeni hücum istiqamətləri üzərində işləyir.

Müharibə Araşdırmaları İnstitutunun (ISW) hesabatına görə, Rusiya qüvvələri Liman, Konstantinovka və Dobropillya istiqamətlərində hücum əməliyyatlarını davam etdirirlər. Lakin bəzi istiqamətlərdə ərazi baxımından ciddi irəliləyiş əldə edə bilməyiblər. Hesabatda Rusiya qüvvələrinin xüsusilə Liman istiqamətində piyada qrupları ilə hücumlarının artdığı qeyd olunur. Eyni zamanda, Ukrayna ordusunun bəzi istiqamətlərdə əks-hücumlar həyata keçirdiyi bildirilir. ISW-nin qiymətləndirməsinə əsasən, Rusiya ordusunun hücumlarının intensivliyinin azalması qış mövsümündə yeni əməliyyatlara hazırlıqla da əlaqəli ola bilər. Moskvanın əsas hərbi hədəflərindən biri Donetsk vilayətində Ukraynanın müdafiə xəttini yarmaq və Slavyansk-Kramatorsk istiqamətində irəliləmək olaraq qalır.

Müəllif: İlkin Məmmədkərimov

Telegramda izləyin