ABŞ-İran müharibəsində yeni gərginlik: Tehran ABŞ bazasını hədəfə aldı, Vaşinqton bölgəyə üçüncü aviadaşıyıcısını göndərdi

ABŞ-İran müharibəsində yeni gərginlik: Tehran ABŞ bazasını hədəfə aldı, Vaşinqton bölgəyə üçüncü aviadaşıyıcısını göndərdiABŞ və İran arasında davam edən müharibədə gərginlik yenidən artıb. Noyabrın 17-də İranın pilotsuz uçuş aparatları Bəhreyndə yerləşən ABŞ hərbi radar sistemini hədəfə alıb. Reuters-in məlumatına görə, hücum ABŞ-ın Beşinci Donanmasının yerləşdiyi Şeyx İsa hərbi bazasına qarşı həyata keçirilib. Bəhreyn hakimiyyəti hava hücumu xəbərdarlığından sonra müdafiə sistemlərinin İran dronlarını zərərsizləşdirdiyini açıqlayıb. Hadisə nəticəsində ölən və yaralananların olmadığı, hərbi obyektə ciddi zərər dəymədiyi bildirilib. Bu, son günlər İranın Bəhreyndəki ABŞ hərbi obyektlərinə qarşı həyata keçirdiyi növbəti hücumdur.

Bununla yanaşı, ABŞ Yaxın Şərqdə hərbi mövcudluğunu gücləndirməkdə davam edir. Associated Press-in məlumatına görə, USS Theodore Roosevelt aviadaşıyıcı gəmisi ABŞ Mərkəzi Komandanlığının məsuliyyət zonasına daxil olub. Bununla da regionda fəaliyyət göstərən ABŞ aviadaşıyıcılarının sayı üçə çatıb. Sözügedən gəmi USS George H.W. Bush və USS George Washington aviadaşıyıcılarına qoşulub. Bu addım Vaşinqtonun İranla qarşıdurma fonunda hərbi imkanlarını artırması kimi qiymətləndirilir. Bununla belə, aviadaşıyıcının bölgəyə gəlməsi özlüyündə ABŞ-ın yeni genişmiqyaslı hücuma başlayacağı anlamına gəlmir.

Münaqişənin digər mühüm istiqaməti Hörmüz boğazında baş verən hadisələrlə bağlıdır. Son günlər strateji əhəmiyyətə malik bu su yolunda neft tankerlərinə hücumlar və partlayışlar qeydə alınıb. Əl-Cəzirə və Reuters-in məlumatına görə, noyabrın 16-da Oman sahilləri yaxınlığında tanker naməlum hücuma məruz qalıb. Böyük Britaniyanın Dəniz Ticarət Əməliyyatları Mərkəzi gəminin Khasab limanından təxminən 7 dəniz mili şimalda zədələndiyini, mühərrik bölməsində yanğın baş verdiyini açıqlayıb. Bundan əvvəl isə boğazdan çıxan başqa bir tanker naməlum mərmi ilə vurulub. İranın İnqilab Keşikçiləri Korpusu da bəzi tankerlərin dəniz minalarına düşərək alova büründüyünü iddia edib. Lakin bu iddiaların hamısı müstəqil şəkildə təsdiqlənməyib.

Sonxeber.az Reuters-ə istinadən xəbər verir ki, Hörmüz boğazında təhlükəsizliyin təmin edilməsi diplomatik müzakirələrin də əsas mövzularından birinə çevrilib. Noyabrın 17-də İranın xarici işlər naziri Abbas Əraqçi Omanda həmkarı Bədr əl-Busaidi ilə görüşüb. Reuters-in yaydığı məlumata görə, danışıqlarda dəniz nəqliyyatı marşrutlarının təhlükəsizliyi, beynəlxalq gəmiçiliyin və ticarətin fasiləsiz davam etdirilməsi, eləcə də münaqişənin genişlənməsinin qarşısını almaq üçün diplomatik əlaqələrin və danışıqlar kanallarının bərpası məsələləri müzakirə olunub. Görüş regionda hərbi gərginliyin davam etdiyi və ABŞ-ın İran limanlarına tətbiq etdiyi dəniz blokadasını saxladığı bir vaxta təsadüf edib.

ABŞ-ın vitse-prezidenti Cey Di Vens isə İranla müharibənin uzunmüddətli hərbi qarşıdurmaya çevrilməyəcəyini bəyan edib. Fox News telekanalına müsahibəsində o, Donald Trampın münaqişənin sonsuz müharibəyə çevrilməsinə imkan verməyəcəyini bildirib. Vens ABŞ-ın İran ərazisində 10-15 il, hətta iki il davam edəcək hərbi öhdəlik götürməyəcəyini vurğulayıb. O, İranın nüvə proqramını ABŞ üçün təhlükə hesab etdiklərini də qeyd edərək, Tramp administrasiyasının müharibəni nəticə ilə başa çatdırmaq niyyətində olduğunu söyləyib.

Donald Trampın İranla bağlı hərbi strategiyasında da müəyyən ehtiyatlılıq müşahidə olunur. Reuters-in noyabrın 14-də yaydığı məlumata görə, ABŞ prezidenti müşavirlərinə Tehran və İranın dəstəklədiyi husilər tərəfindən yeni təxribatlar olmadığı təqdirdə İrana əlavə zərbələr endirməkdən çəkinə biləcəyini bildirib. Bununla belə, Tramp münaqişənin necə başa çatdırılacağı ilə bağlı yekun qərar verməyib və İran limanlarına qarşı dəniz blokadasının davam etdirilməsi variantını saxlayır. Səudiyyə Ərəbistanı və Türkiyə liderlərinin də ABŞ prezidentini hərbi əməliyyatların genişləndirilməməsinə çağırdığı bildirilir.

Beləliklə, ABŞ və İran arasında qarşıdurma hərbi və diplomatik istiqamətlərdə davam edir. Bir tərəfdən İran ABŞ-ın regiondakı hərbi obyektlərini hədəfə alır, digər tərəfdən Vaşinqton Yaxın Şərqdə hərbi qüvvələrini gücləndirir. Hörmüz boğazında tanker hücumları isə münaqişənin beynəlxalq enerji bazarına və dəniz ticarətinə təsirlərini artırır. Oman vasitəsilə diplomatik təmasların aparılması müəyyən ümidlər yaratsa da, tərəflər arasında müharibəyə son qoyacaq yekun razılaşma hələ əldə edilməyib.

Müəllif: İlkin Məmmədkərimov


Sonxeber.az
Telegramda izləyin
Dünyada   Baxılıb: 196   Tarix: 17 noyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

ABŞ-İran müharibəsində yeni gərginlik: Tehran ABŞ bazasını hədəfə aldı, Vaşinqton bölgəyə üçüncü aviadaşıyıcısını göndərdi

ABŞ və İran arasında davam edən müharibədə gərginlik yenidən artıb. Noyabrın 17-də İranın pilotsuz uçuş aparatları Bəhreyndə yerləşən ABŞ hərbi radar sistemini hədəfə alıb. Reuters-in məlumatına görə, hücum ABŞ-ın Beşinci Donanmasının yerləşdiyi Şeyx İsa hərbi bazasına qarşı həyata keçirilib. Bəhrey

17 noyabr
.

Aİ Rusiyaya qarşı yeni sanksiyalar qəbul edib: 47 bank məhdudiyyətlərə düşüb

Avropa İttifaqı Rusiyaya qarşı sanksiya siyahısını genişləndirərək 145 fiziki və hüquqi şəxsə qarşı məhdudiyyətlər tətbiq edib. Sanksiyalara 47 Rusiya bankı da daxil edilib. xəbər verir ki, bu barədə Aİ Şurasının "Avropa İttifaqının Rəsmi Jurnalı"nda dərc olunan qərarında bildirilir. Yeni sanksiyalar

16 noyabr
.

Yaponiya iqtisadiyyatı artmır

Yaponiyanın iqtisadi artım səviyyəsi 2026-cı ilin üçüncü rübündə əvvəlki rüblə müqayisədə demək olar ki, dəyişməyib. İnflyasiya, enerji qiymətlərinin bahalaşması, əlverişsiz hava şəraiti və zəlzələ iqtisadi artıma mənfi təsir göstərib. Euronews-un məlumatına görə, bu barədə Yaponiya Nazirlər Kabinetini

16 noyabr
.

Ukrayna Rusiyanın ən böyük neft-kimya komplekslərindən birinə zərbə endirdi

Ukraynaya məxsus pilotsuz uçuş aparatları Rusiyanın Başqırdıstan Respublikasında yerləşən iri neft-kimya komplekslərindən birinə hücum edib. xəbər verir ki, noyabrın 17-nə keçən gecə Ufa və Salavat şəhərləri kütləvi dron hücumuna məruz qalıb. Başqırdıstanın Fövqəladə Hallar üzrə Dövlət Komitəsinin məlumatın

17 noyabr
.

Aİ Rusiyaya qarşı sanksiya siyahısına daha 145 fiziki və hüquqi şəxsi daxil edib

Avropa İttifaqına (Aİ) üzv ölkələrin xarici işlər nazirləri Rusiyaya qarşı sanksiyaların genişləndirilməsini və daha 145 fiziki və hüquqi şəxsin sanksiya siyahısına daxil edilməsini təsdiqləyiblər. APA xəbər verir ki, bu barədə Fransanın xarici işlər naziri Jan-Noel Barro noyabrın 16-da Brüsseldə jurnalistlər

16 noyabr
.

Bayraktar: "Akkuyu" AES-in ilk reaktoru yaxın zamanda istifadəyə veriləcək

"Akkuyu" atom elektrik stansiyasının (AES) ilk reaktoru yaxın zamanda işə başlayacaq. "Report" xəbər verir ki, bu barədə Türkiyənin energetika və təbii sərvətlər naziri Alparslan Bayraktar "X" sosial şəbəkə hesabında bildirib. "Uğurla irəliləyən "Akkuyu" AES-i

15 noyabr
.

150-yə yaxın tikiş fabriki bağlandı: İşçilər maaş artımı tələb edir

Banqladeşdə minimum əməkhaqqının artırılması tələbi ilə keçirilən tətillər fonunda təxminən 150 tikiş fabriki fəaliyyətini dayandırıb. xəbər verir ki, etirazlar ölkənin əsas tekstil mərkəzləri olan Savar, Aşulia və Qazipur şəhərlərini əhatə edib. İşçilər aylıq minimum əməkhaqqının hazırkı 12 500 takada

16 noyabr
.

Yeni koronavirus ştammı - əlamətlər hansılardır, niyə həyəcan təbili çalınır?

Dünyada PJ.2.1 koronavirus variantı yayılır. İnfeksiyaya yoluxma hallarının ABŞ, Kanada və bir sıra Avropa ölkələrində qeydə alındığı bildirilir. Mütəxəssislərin sözlərinə görə, bu ştamın yaratdığı əlamətlər adi soyuqdəymə və ya mövsümi qriplə oxşardır. Ümumdünya Səhiyyə Təşkilatına istinadən xəbər veri

15 noyabr
.

ABŞ-da raket havaya qalxarkən partladı - Anbaan video

ABŞ-da "United Launch Alliance" (ULA) şirkətinə məxsus "Vulcan Centaur" daşıyıcı raketi Kanaveral burnundan buraxıldıqdan təxminən 10 dəqiqə sonra qəzaya uğrayıb. Bizim.Media xəbər verir ki, nəticədə Amazon şirkətinin "Amazon Leo" internet peyklərinin 40-ı orbitə çıxarıl

16 noyabr