Netanyahunun sosial şəbəkə hesablarına kiberhücum oldu - FOTO
İsrailin Baş naziri Benyamin Netanyahunun rəsmi X hesabında illər əvvəl yayımlanmış paylaşımın keçidinin tamamilə başqa məzmuna yönləndirildiyi üzə çıxıb. Hadisə siyasətçilərin, dövlət qurumlarının və şirkətlərin sosial şəbəkə hesablarında yerləşdirilmiş köhnə keçidlərə qarşı həyata keçirilən kiber müdaxilələr fonunda diqqət çəkib.
CNN-in noyabrın 15-də yaydığı məlumata görə, siyasətçilərin, dövlət qurumlarının və şirkətlərin X platformasındakı köhnə paylaşımlarında yer alan bəzi internet keçidləri son günlər orijinal məzmunla əlaqəsi olmayan video, şəkil və internet səhifələrinə yönləndirilib.
Məlumata əsasən, problem 2009-2014-cü illərdə Bitly keçid qısaltma xidmətindən istifadə edilərək paylaşılmış linklərə aiddir. Hücumdan ABŞ Prezidenti Donald Trampın şəxsi X hesabı daha ciddi təsirlənib. Onun ən azı 12 köhnə paylaşımındakı keçidlərin uyğun olmayan və tamamilə fərqli məzmunlara yönləndirildiyi bildirilir.
CNN-in araşdırmasında Microsoft-un həmtəsisçisi Bill Qeyts, Kanadanın keçmiş baş naziri Castin Trüdo, ABŞ-ın keçmiş vitse-prezidenti Mayk Pens, həmçinin McDonald's və Burger King şirkətlərinin hesablarında da oxşar halların qeydə alındığı vurğulanıb. Hətta ABŞ Federal Təhqiqatlar Bürosunun (FBI) və Müdafiə Nazirliyinin köhnə paylaşımlarındakı keçidlərin də dəyişdirildiyi bildirilib.
Hadisənin diqqət çəkən nümunələrindən biri isə Netanyahunun X hesabındakı köhnə paylaşımda müşahidə olunub. Təqdim edilən ekran görüntüsündə 2013-cü il fevralın 7-də yayımlanmış paylaşımın mətnində İsrailin Baş nazirinin Bolqarıstanın o zamankı baş naziri Boyko Borisovla Burqas terror aktının araşdırılması barədə danışdığı qeyd olunur. Lakin həmin paylaşımın altında yerləşdirilən YouTube keçidi hazırda "Skibidi Toilet 77 (part 4)" adlı videoya yönləndirilir.
Araşdırmalara görə, problemin əsas səbəbi Bitly vasitəsilə qısaldılmış köhnə keçidlərin yenidən istifadəyə verilməsi və başqa internet ünvanlarına yönləndirilməsidir. Bu isə o deməkdir ki, sosial şəbəkə hesabının özünə müdaxilə edilmədən də illər əvvəl yayımlanmış paylaşımların keçidlərinin məzmununu dəyişmək mümkündür.
Sonxeber.az CNN-ə istinadən xəbər verir ki, Bitly şirkəti noyabrın 15-də məsələ ilə bağlı açıqlama yayaraq bəzi köhnə və fəaliyyətsiz keçidlərin başqa şəxslər tərəfindən yenidən istifadə edilməsinə imkan verən problemin aşkarlandığını bildirib. Şirkət dəyişiklikləri həyata keçirən hesabların dayandırıldığını və təsirlənmiş keçidlərin deaktiv edilməsi istiqamətində iş aparıldığını açıqlayıb.
Karnegi Mellon Universitetinin Heinz İnformasiya Sistemləri və İctimai Siyasət Kollecinin rəqəmsal media üzrə professoru Ari Laytman isə köhnə keçidlərin bu cür dəyişdirilməsinin istifadəçilərin məlumatlarının təhlükəsizliyi baxımından risk yaratdığını bildirib. Onun fikrincə, bu cür zəifliklərdən geniş miqyasda sui-istifadə etmək mümkündür.

Müəllif: İlkin Məmmədkərimov
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











TƏCİLİ! Sabah bu ərazilərdə QAZ OLMAYACAQ
XƏBƏRDARLIQ! Bu tarixlərdə hava KƏSKİN PİSLƏŞƏCƏK: Güclü külək, temperatur enəcək...
Bakıda yataqxanadan tələbə qızın meyiti tapıldı
Minaya düşərək həlak olan şəxs 2 övlad atası olub - YENİLƏNİB
Qaz limiti ilə bağlı ŞAD XƏBƏR - Sərfiyyat minimuma enəcək
Paytaxtda restoranda dava: Qıza söz atan kişi arvadının yanında döyüldü
Bu ərazilərdə SU OLMAYACAQ
"4 ildir bu xəstəliyə görə kökəlmirəm"
Milli Qəhrəman Ehtiram Əliyevlə vida mərasimi keçirilməyəcək: Dəfnin vaxtı və yeri açıqlandı - YENİLƏNİB
Dondurucu soyuqlar gəlir - XƏBƏRDARLIQ
Birdəfəlik sosial müavinətlər BU TARİXDƏ ÖDƏNİLƏCƏK
"Başı ağrıyırmış, hamama gedib..." - Yataqxanada tələbənin ölümünün təfərrüatı - VİDEO
Məzun olmağa hazırlaşırdılar, arzuları yarımçıq qaldı: İki məktəblinin faciəli taleyi - Video
Əhaliyə SON DƏQİQƏ XƏBƏRDARLIĞI: Bu tarixdə qar yağacaq
Gələn il orta aylıq əməkhaqqı bu qədər artacaq