Xoş gəldin, Ramazan !

Ramazan rəhmət, bərəkət, məgfirət (bağışlanma) ayıdır. Hər bir müsəlmana vacibdir ki, oruc titsun. Allah bu ayda ən günahkar bəndəsini belə bağışlayır. Yetər ki, ixlaslı tövbə eləsin, günahdan çəkinib, oruc tutub Allaha yaxınlaşsın. Ramazan on bir ayın sultanı ayların ən fəzilətlisi günlərin ən dəyərlisi, gecələrin isə ən bərəkətlisidir. Bu ayda Allah öz süfrəsinə bizi dəvət edir. Gərək ki, bu süfrədən bəhrələnərək fürsəti əldən verməyək. Allahın ipindən bərk yapışaq. Ramazan mübarək aydır, Ramazan Allahın adlarından biridir.

Ramazan "ramaza" sözündən götürülüb, yəni yandırmaq deməkdir. Ramazan ayı daxil olanda insanların günahları yanar, aradan gedər. Necə ki, payızda ağaclar yarpaqlarını tökər günahlarda oruc olanda elə tökülər insanın vücudundan yerə. Oruc tutmaq, insanın qəlbinə sevinc, üzünə isə nur gətirər. Oruc olanın yatmağı, susmağı, belə ibadətdəndir. Çox savabı vardır. Bu ayda namazı tərk edənlər namaza qayıtsınlar. Hicabı olmayanlar hicablansınlar, küsülü olanlar isə barışsınlar. Ata-ananın isə halallığını alıb, Allaha tərəf gəlsinlər. Düzdü, çətindir yayın isti günlərində ac susuz qalmaq. Amma bunun çox böyük mükafatı vardır. Allah təala buyurur: Ey bəndəm, sən mənə bir addım gəl, mən sənə on addım gələrəm. Sən mənə yeriyə-yeriyə gəl, mən sənə qaça-qaça gələrəm. Və başqa ayələrdə Ramazan haqqında (Bəqərə 183) belə buyurur: Oruc tutmaq sizlərə və sizdən öncəkilərə də vacib edildi.

Bir qrup insanlar heç bir hüzuru olmadan orucu pozur tutmur. Yeyir, içir, gəzir...Özü üçün çətindir deyə bəhanə gətirərlər. Onlar Allahın ziyafət məclisinə dəvət almayanlardırlar. Bu ayda qonaq olmaq kiməsə nəsib olar, kiməsə isə olmaz. Xoş o kəslərin halınakı Ramazan ayının gəlişinə əvvəlcədən hazır ola. Yaxşı olar ki, Ramazan gecəsi qüsul alınsın, niyyət tutulub gecənin bir qismini ibadət zikr olunsun. Ramazanın isə ilk günündə sədəqə çıxarılsın. Başa gələn bəla və xətalardan uzaq olmaq üçün və bu ayda savabı vardır. Kimsəsizlərə əl tutmaq, malının bir qismindən acların qarnını doyuzdurmaq... Oruc tutanlar isə iftar süfrələri vermək, ehsan etmək. Allah ruzi yetirəndir İmam Əli(ə)buyurur. Sədəqə Allaha olan bir yaxınlıq, bir vasitədir. Allah bizi Peyğəmbərlərin və Əhli-beyitin şəfaətindən binəsib eləməsin. Sizlərə və özümə təqvalı olmağı arzu edirəm. Allahdan istəyin ki, oruc tutub namaz qılmaq sizlərə də nəsib olsun inşAllah.

ilahiyyatçı, jurnalist Südabə Həsənli

Telegramda izləyin

instagramda izləyin