Rusiya və İran Qarabağda Ermənistana qarşı

İrəvanın son oyunları Kremli ciddi narahat edir

Rusiya xarici işlər naziri Sergey Lavrov belarus KİV-lərinə müsahibəsində əsasən Ermənistanı nəzərdə tutan sərt xəbərdarlıq səsləndirib.

Lavrov Avropa Birliyinin (AB) "Şərq tərəfdaşlığı " proqramı barədə danışarkən deyib:

"Yeri gəlmişkən, biz Avrasiya İttifaqından olan həmkarlarımızla əlaqələr zamanı demişik ki, biz istəməzdik ki, məlum "Şərq tərəfdaşlığı " proqramı adıkeçən fokus ölkələrini yanlış seçim qarşısında qoymaq üçün istifadə edilməsin".

"Şərq tərəfdaşlığı" proqramının fokusunda Ermənistan, Azərbaycan, Belarus, Gürcüstan, Moldova və Ukrayna var. Bu ölkələr içində hələ ki, "Şərq tərəfdaşlığı " sazişini hələ ki, Gürcüstan, Molova və Ukrayna paraflayıblar. 2013-cü ildə Ermənistan saziş barədə Avropa Birliyi ilə uzun-uzadı danışıqlar aparsa da, sonrada sazişə qol çəkməkdən imtina etdi. Daha sonra Ermənistan Moskvanı patronajı alğtında yarıdılmış Avrasiya İttifaqına daxil oldu.

Aradan 4 il keçib və Ermənistanda yenidən Avropa Birliyi ilə "Şərq tərəfdaşlığı" proqramı çərçivəsində əməkdaşlıq gündəmə gəlib, həm hakimiyyət, həm də müxalifət təmsilçiləri yeni variantda "Şərq tərəfdaşlığı " sazişini imzalmağın vacibliyini vurğulayırlar. Məsələn, Ermənistan parlamentinin müxalifət yönümlü üzvü Ararat Zurabyan Ermənistanın "1in" portalına bildirib ki, bu dəfə Ermənistan sazişi imzalmalıdır:

"Mən düşünürəm ki, biz artıq paraflanmış bü cür sənəddən imtina edəriksə, Şimali Koreyanın yolu ilə getmiş olarıq. Mən istəmirəm ki, belə şey baş versin".
Buna paralel olaraq Ermənistan NATO ilə də oyunlara gedir. Belə ki, NATO-nun Cənubi Qafqaz və Mərkəzi Asiya üzrə təmsilçisi Ceyms Appaturay bu günlərdə İrəvanda olub. O, Ermənistan prezidenti Serj Sarkisyan və parlament spikeri Ara Babloyan ilə görüşüb. Bu məsələ Rusiyanın bir çox aparıcı KİV-lərinin, o cümlədən "Rosbalt" portalının diqqətini cəlb edib. Portalda bu barədə bu günlərdə dərc edilmiş "NATO Ermənistanı tovlayır" adlı məqalədə qeyd edilir ki, NATO bu Cənubi Qafqaz respublikasında gur fəaliyyət planlaşdırır. Serj Sarkisyan hətta NATO baş katibi Yens Stoltenberqi İrəvana dəvət edib ki, "gələcək addımları müəyyən etsinlər".
Təbii ki, bu, Ermənistanın üzvü olduğu və Rusiyanın liderlik etdiyi Kollektiv Təhlükəsizlik Müqaviləsi Təşkilatının (KTMT) ruhuna ziddir. Hər halda, Moskva son zamanlar Avrasiya İttifaqı və KTMT müstəvisində ermənilərə çox rol verib - Ermənistanın keçmiş baş naziri Tiqran Sarkisyan Avrasiya İqtisadi komissiyasının kollegiya sədridir, Ermənistan ordusunun keçmiş baş qərargah rəisi Yuri Xaçaturov isə KTMT baş katibidir.

Həm də Rusiya Ermənistan ordusuna, dolayısı ilə bu ordunun Azərbaycan torpaqlarının 20 faizini işğal altında tutmasına böyük dəstək verir. Son bir ildə Moskva Ermənistana ayırdığı 200 milyon dollarlıq kredit çərçivəsində Ermənistana dünya bazarı qiymətləri ilə 3 milyard dollarlıq silah göndərib. Bu silahların bir qismi pulsuz verilib ki, Rusiyanın ən güclü silahlarından olan "İsgəndər" raketləri bu qəbildəndir.

Erməni mətbuatını izlədikdə ermənilərin bu oyunun başında Qarabağ məsələsi, daha doğrusu, Qarabağ münaqişəsinin qərbin dəstəyi ilə Kosovo variantında həllinə nail olmaq istəyi durur. Bu ilin fevral ayında Brüsseldə Karneqi fondunda çıxış edən Serc Sarkisyan Dağlıq Qarabağ separatçıları ilə Kosovo albanların vəziyyətini eyniləşdirməyə çalışmışdı. Qərb Kosovo məsələsində Rusiyanı və Serbiyanı məğlub etmişdi və Seriyanın tərkibində muxtar vilayət olan Kosovonu zor gücünə ayıraraq müstəqilliyini tanımışdı. İndi ermənilər Rusiyaya Qarabağ məsələsində bağladıqları ümidlərin puç olduğunu görəndə NATO və AB ilə oynamağa çalışırlar.

Lakin "Rosbalt"ın yazdığına görə, bu məsələyə görə, Rusiya Ermənistanı sərt cəzalandıra bilər:

"İrəvanda bunu xarici siyasətin çoxvektorlu olması və Moskvadan mövcud olmayan müstəqilliyin nümayişi kimi təqdim edirlər. Amma bu "çoxvektorluluq" Ermənistan üçün pis qurtara bilər. Çünki Rusiya siyasi "çoxdəzgahlı"ları cəzalandırmağın yollarını yaxşı bilir - o, tam tabe olmağı tələb edir və nöqtə qoyur. Heç bir vergülə və üç nöqtəyə icazə vermir".

"Rosbalt" yazır ki, Rusiya bu məsələdə Ermənistanı məhz Qarabağ münaqişəsi ilə cəzalandıra bilər və İran da Rusiyaya dəstək verə bilər: "Onun əlində çox ağrılı qamçı - Qarabağ münaqişəsi var. Bu məsələdə İran da Rusiyanı dəstəkləyir. İran NATO-nu öz sərhədlərinə bu qədər yaxın buraxmaz. İrəvanla Tehran arasında nə qədər "qardaş" münasibəti olsa da, İran üçün öz marağı daha önəmlidir".

Lavrovun açıqlamasını Rusiyanın məsələ ilə bağlı ilk hədəsi saymaq olar. O, "Şərq tərəfdaşlığı" proqramının Rusiya əleyhinə yönələn oyuna çevrilməsindən ciddi narahatlıq ifadə edib.
Mənbə: istipress

Telegramda izləyin

instagramda izləyin