Ərazilərimizə soxulan erməni postu zərərsizləşdirildi - FOTO
Qusarda xüsusi təntənə
Azərbaycan Silahlı Qüvvələri yaranmasının 99-cu ildönümü ərəfəsində Müdafiə Nazirliyinin Qusardakı hərbi hissəsində möhtəşəm tədbir keçirilib. Əvvəlcə hərbi hissəsindən gəlmiş qonaqlar, rayonun hüquq-mühafizə orqanlarının rəsmiləri, keçmiş hərbçilər Heydər Əliyevin hərbi hissənin həyətindəki büstünü ziyarət edib önünə gül dəstələri qoyublar. Sonra təntənəli mərasim keçirilib.
Azərbaycan Silahlı qüvvələrinin keçdiyi 99 illik həyat yolu barədə ətraflı məruzə edilib. Hərbi hissənin komandiri Asif Fərəcov şəxsi heyətin hər an Ali Baş Komandan İlham Əliyevin əmrini yerinə yetirməyə qadir olduğunu deyib. Xidmətdə fərqlənən hərbçilər həm Müdafiə Nazirliyinin, həm də hərbi hissənin hədiyyələri, fəxri fərmanları ilə təltif olundular. Əsgərlər arasında qısamüddətli məziniyyətə göndərilənlər, nümunəvi xidmətinə görə ailələrinə təşəkkürnamələr göndərilənlər də bayram günündə sevindilər.
Hərbi hissənin rütbələri artırılan hərbçilərinin də kimliyi də mərasimdə elan edilidi. Mərasim boyu ən çox alqışlara hərbi hissənin kəşfiyyat bölüyü əməkdaşlarının çıxışı səbəb olub. Müxtəlif döyüş səhnələri ifa edən hərbçilərimiz Ermənistan bayrağını sındırıb Azərbaycan bayrağını ucaltdılar.
Mərasimdə ən bəyənilən səhnə reallıqda olduğu kimi, rəmzi olaraq Azərbaycanın ərazisinə soxulub lövbər salan erməni postunun darmadağın edilməsi, kəşfiyyatçılarımızın erməni hərbçilərini öldürməsi səhnəsi oldu. İtki verən düşmən hərbçiləri geri çəkilməli oldular. Sonra hərbçilər meydanda bayram keçidi etdilər.
Mərasimdə bu gün Müdafiə Nazirliyinin ölkənin hərbi hissələrində keçirdiyi "Açıq qapı" günü çərçivəsində gələn valideynlər hərbi hissənin texnikaları ilə tanış oldular. Sonra hərbi hissənin yeməkxanasında əsgərlərin valideynlərilə birgə naharı oldu. Həm valideynlər, həm də qulluq edən əsgərlər onlara belə şərait yaratdığına görə Azərbaycanın müdafiə naziri Zakir Həsənova minnətdarlıq etdilər. Balakəndən və Siyəzəndən olan valideynlər Eminət Dabaxova və Şamil Fərzəliyev, əsgərlər Sənan Dabaxov və Elşən Məmmədov belə nümunəvi şəraitə və əlverişli görüşdən olduqca razı qaldıqlarını dedilər. Sonra Respublika Həmkarlar İttifaqı Konfederadiyasının xəttilə Qusara gələn musiqiçilər hərbçilərə xoş musiqi ərmağanını hədiyyə etdilər. Valideyn və əsgərlər 5 metr uzunluğu olan bayram tortundan da daddılar.(istipress)
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş