"Leila-abaya" brend hicab geyimləri mağazasının sahibi : "Xanımlarımızın təsəttürə uyğun geyinmələrinə şərait yaradırıq"

Xəbər verdiyimiz kimi, Azərbaycanda BİR İLK! "Leila-abaya" brend hicab geyimləri mağazasının möhtəşəm açılışı baş tutdu

Bugünkü müsahiblərimiz "Leila-abaya" brend hicab geyimləri mağazasının sahibləri Səliqə Nağıyeva və Sevinc Hüseynovadır.

Qısa müddət ərzində Azərbaycanda brend hicab geyimlərinin satışının həyata keçirilməsi istiqamətində onların gördüyü uğurlu iş barədə söhbətləşdik:

-Səliqə xanım, Sevinc xanım, Azərbaycanda bir ilkə imza atdınız. "Leila-abaya" brend hicab geyimləri mağazasının açılışını etdiniz. Qısa müddət ərzində böyük uğur qazanmaq. Bu uğurunuzun sirri nədədir?
- Azərbaycanda bu işi həyata keçirən ilk butik olaraq bütün xanımlarımızın ürəyindən xəbər verən geyimlərlə onların zövqünü oxşaya bilirik. Bu bizi sevindirir. Azərbaycanda əba geyimlərini əldə etməkdə çətinlik çəkən xanımlarımız artıq bu çətinliklə rastlaşmır. Butikimizdə arzulanan geyimləri sərfəli qiymətə əldə edə bilirlər. Mağazamızda bütün geyimlər, aksessuarlar zövqlə seçilib və hamısı da modelyer əl işləridir. Eyni zamanda, müsəlman xanımlarımızın təsəttürə uyğun geyinmələrinə səbəb oluruq, şərait yaradırıq. Xanımlarımızın təsəttürü pozmadan geyinməsini ortaya çıxarmaq istəyirik. Və buna nail oluruq. İki aydır fəaliyyət göstərməyimizə baxmayaraq, xanımlarımızın bu mağazaya marağını cəlb edə bilmişik. Təbii ki, bu sevindirici haldır. Mağzada hazırda dünyanın 8 ölkəsində fəaliyyət göstərən tasarım işləri, "Leila-abaya" özəl tasarımları yer alıb. Geyimlərimiz Türkiyə, Dubay, Hindistan, Məkkə şəhərindən gətirilir. Bizim mağazadan alış-veriş edən müsəlman xanımlarımız məmnun qaldıqlarını dilə gətirir, bu da bizi çox sevindirir.

-Müsəlman xanımlarımız ən çox hansı tərz geyimlərə üstünlük verirlər?
-Xanımlarımız ən çox ərəb tərzinə üstünlük verirlər. Xanımlarımız artıq "Leila-abaya"nın bir-birindən gözəl, keyfiyyətli, hər cür zövqə uyğun geyimlərini bizim mağazadan tapa bilirlər.
-Sizin bu uğurunuzu görüb qısqanclıqla yanaşan həmkarlarınız olmurmu?
-Azərbaycanda ilk dəfə belə bir mağazanın açılışını etsək də, bizə qarşı qısqanclıqla yanaşanların olacağını düşünmürdük. İndi də rəqabət aparmağı düşünmürük, çünki müsəlmanlığı təbliğ etmək üçün belə mağazanın açılışını etdik. Hazırda Bakıda hicab geyimləri mağazasının sahibləri ilə də dostluq münasibətindəyik. Düşünürəm ki, söhbət müsəlmanlığın təbliğindən gedirsə ilə bağlı bu cür yaxşı işlərin keşiyində kiməsə paxıllıq etmək, kiminləsə rəqabətə getmək doğru deyil. Çünki məqsəd, amal birdir.
-Kaprizli xanımlarımızı necə razı salırsınız?
-Xanımlarımız həqiqətən çox kaprizlidirlər. Yeri gəlmişkən, mağazamızda böyük bədən ölçüləri olan müsəlman xanımlarımız üçün də geyimlərimiz var. Kapriz edən xanımlarımızın əksəriyyəti elə artıq çəkidən əziyyət çəkən xanımlarımızdır. Çox çətinliklə də olsa, onları da razı yola sala bilirik.
- Hansı məşhur geyim mağazalrı ilə birgə çalışırsız?
-Türkiyənin "Nihan", "Tuba", "Poz moda" kimi məşhur brend mağazaları ilə.
-Xanımlarımız daha çox hansı rənglərə üstünlük verir?
- Daha çox yaşıl, qara rənglərə üstünlük verirlər. Və mağazamızda bu rəngdə olan geyimlərə də üstünlük veririk. Hicab geyinməyən xanımlarımız da mağazamıza müraciət edirlər. "Leila-abaya" brend ziyafət geyimlərinə üstünlük verən xanımlarımızın sayı günü-gündən artır. Bu bizi gördüyümüz bu işin nə qədər uğurlu olduğunun göstəricisidir.
-Butikinizin fəaliyyətini genişləndirmək barədə düşünürsünüzmü?
-Əlbəttə , bu yaxın günlərdə böyük yeniliklərimiz olacaq.
-Regionlarda da bu cür brend geyimə ehtiyac duyan xanımlarımız var. Bu barədə gələcək planlarınız nələrdir?
-Rayonlardan bizə müraciət edən xanımlarımızın sayı çoxdur. Və bu da onun göstəricisidir ki, rayonlarımızda da brend hicab geyimlərinin satışına böyük ehtiyac var. Eyni zamanda, Türkiyədən, Moskvadan da sifarişlərimiz var. Məşhur müğənnilərimiz Fərqanə Qasımova, Xuraman Şuşalı da bizi seçir.
- Gəlinlik hicablar istəyən xanımlarımızın sayı çoxdurmu?
-Hicab gəlinliklərlə bağlı müraciətlərin sayı çoxdur. Çalışırıq ki, xanımlarımızın bu istəklərini həyata keçirək. Bu istiqamətdə də hazırda işlər həyata keçirilir. Qarşıda bizi çox böyük işlər gözləyir, hazırda yeni tasarımlarımızın üzərində çalışırıq.

Xəbər verdiyimiz kimi, Azərbaycanda BİR İLK! "Leila-abaya" brend hicab geyimləri mağazasının möhtəşəm açılışı baş tutdu

Mağazanın ÜNVANI :

Bakı şəhəri, Yasamal rayonu, Şərifzadə küçəsi, 3137 (ATV-nin yanı)

Əlaqə nömrəsi : 0515454058
instagram : leila_abaya
mail ünvanı : [email protected]

Telegramda izləyin