ANS-in keçmiş aparıcısı bu ölkədən sığınacaq istədi: "Atamın qəbrindən torpaq götürüb..."

ANS-in keçmiş aparıcısı Tünzalə Rafiqqızı Almaniyadan sığınacaq istəyib.

O, bu barədə sosial şəbəkə hesabında məlumat verib. O bildirib ki, qızının yaşadığı problemlə əlaqədar olaraq Almaniyaya getmək məcburiyyətində qalıb:

"Son 2 gündə mənə ünvanlanan coxsaylı suallara cavab olaraq, mən Zeynalova Tünzalə Rafiq qızı sizinlə bir məlumatı paylaşmaq istəyirəm. Son dövrdə baş verən proseslər, peşə fəaliyyətimə olan təzyiqlər və sonda qızım Zəhranın səhhətində yaşanan ciddi problemlər məni Almaniyaya gəlib bu hökumətdən sığınacaq istəməyə vadar etdi. Doğma torpaqdan, yurd-yuvadan ayrılmaq çətin olsa da, mən buna məcbur idim. Atamın məzarından torpaq götürüb ölkəni birdəfəlik tərk etdim! Mən 40 illik həyatımı, 22 illik karyeramı sıfırladım! Mənən intihar etdim! Allahdan özümə və mənim vəziyyətimdə olanlara səbr diləyirəm".

Xatırladaq ki, Tünzalə Rafiqqızı ANS-də redaktor, "Hesab vaxtı" verilişində aparıcı işləyib.

Telegramda izləyin