Azərbaycanda 27 000 manata mobil nömrə satılır

Azərbaycanda 27 000 manata (050) 966-66-66 bahalı, "zerkalnı" – yəni ardıcıl, qoşa, yaxud eyni rəqəmlərin düzüldüyü olan nömrə satılır.

Sonxeber.az-ın Disput.az-a istinadən məlumatına görə, elanı yerləşdirən Fexri_94 adlı istifadəçi qeyd edir ki, nömrəni ayda 300 manata icarəyə də verir.

Qeyd edək ki, Azərbaycan cəmiyyətində nörmələrin "zerkalnı" olması bir çoxlarının sevimli müzakirə mövzularından biridir. Daha yaxşı yadda qaldığına görə, belə nömrələrə maraq böyük olur.

Lakin belə SIM kartların qiyməti daha baha olur. Adətən belə nömrələri iş adamları, siyasətçilər, yüksək səviyyəli rəsmilər, digər fəaliyyət sahələrinin nümayəndələri imicini qorumaq üçün alırlar.

Xatırladaq ki, bir müddət öncə ölkəmizdə hətta 90 000 manata (050) 555-55-55 nömrəsi satışa çıxarılmışdır.

Telegramda izləyin