Günay Musayeva: "Heç bir kişi məni döyə bilməz"

Türkiyədə fəaliyyət göstərən model Günay Musayevanın müsahibəsi:

- Son günlər keçmiş həyat yoldaşınız, aktyor Tolqa Karelin sizi döyməsi xəbərləri ilə Türkiyə mətbuatının gündəmindəsiniz. Adi qadınların belə şiddətə məruz qalması müzakirələrə səbəb olur. Sizin kimi məşhur birinin şiddət görməsi və buna müəyyən müddət susması hər kəsi təəccübləndirdi.

- Mən döyüldüyümü deməmişəm. İki həftədir ki, bu mövzu Türkiyə mətbuatının gündəmindədir. İki gündür Bakıdayam. Amma yenə yazırlar ki, döyülməyim barədə açıqlama vermişəm. Jurnalist sual verir, cavab vermirəm. o istədiyi cavabı yazır. 3 həftə əvvəl psixoloji şiddət gördüyümü bildirdim. İstanbulda çölə çıxa bilmirəm, hər yerdə jurnalistlər gəlib tapır, eyni mövzunu təkrar-təkrar verirlər. Qaçıb Bakıya gəlmişəm. Bu mövzuya son qoyulmasını istəyirəm, mən döyülməmişəm.

- Boşanmağınızla Türkiyə vətəndaşlığı almağınız eyni vaxtda düşdü. Daha sonra döyülməyiniz haqda xəbərlər yayıldı. İnsanlar sizin bu evliliyi vətəndaşlıq almaq üçün davam etdirdiyinizi düşündülər.

- Mən döyüləcək, fiziki şiddətə göz yumacaq qadına bənzəyirəm? Burda nöqtə qoyaq. Heç kim mənə əl qaldıra bilməz, bu mümkün deyil.

- Fiziki şiddətə məruz qalsaydınız, necə davranardınız?

- Fiziki şiddətə heç vaxt məruz qalmamışam, bilmirəm ki, necə davranardım. Bir qadına əl qaldırmaq bağışlanmazdı. Təbii ki, susmazdım.

- Evli olduğunuz zaman Karelin sizə xəyanət etməsi xəbərləri də yayılıb. Siz evlənməmişdən öncə də Karel qadınlara düşkün, gecə həyatı olan, tez-tez dalaşan biri olaraq Türkiyə gündəmində idi. Bilə-bilə belə biri ilə niyə ailə qurdunuz?

- Evli olduğumuz zaman Tolqanın mənə xəyanət etməsi doğrudur. Evlilik söhbətlərimiz keçmişdə qaldı. Bu haqda danışmaq istəmirəm.

- Evlənməyinizə peşman olmadınız?

- Ailə qurduğum üçün peşman deyiləm. Çox gözəl oğlum var. Bu evlilik mənə şirin, həyatımın mərkəzində dayanan Cihangir Canı bəxş etdi. Həyatımda atdığım heç bir addımdan peşman deyiləm.

- Azərbaycanın tanınan 2 modelindən birisiniz. Moda sahəsini Azərbaycanda inkişaf etdirmək üçün addım atmağı düşünmürsünüz?

- Azərbaycanda gələcəkdə moda ilə bağlı işlər görə bilərəm. Hələ ki, belə bir planım yoxdur.

- "Bu stil mənim Azərbaycan" verilişində münsif olacaqsınız. Bu proqramın Türkiyə variantı qalmaqallarla yadda qalıb, RTÜK qalmaqallara görə verilişi dəfələrlə cərimələyib, qızlar isə tez-tez dava salır. Bizdə belə bir durumun yaşanmasından narahat deyilsiniz?

- Mən qalmaqallı insan deyiləm. Türk prodüser menecerim vasitəsilə təklif göndərib. Dəfilələrim çox olur, noyabrda yeni serialda çəkilməyə başlayacam. "Show TV" də moda yarışmasında münsif olmağı təklif etmişdi, vaxt azlığına görə qəbul etmədim. "Bu stil mənim Azərbaycan" 8 bölüm 4 gündə Türkiyədə çəkiləcək. Çəkilişlər TV8-in studiyalarında baş tutur. Evimə də yaxındır. Prodüser Hamid Tuncer çox güvəndiyim insandır, o layihədə olmağımı çox istədi, razılaşdım. Mənim işim qalmaqal deyil, dəbi tanıtmaq, qızların geyimlərini qiymətləndirmək, onlara doğrunu başa salmaqdır. Yəqin ki, qızlar burada seçilib, Türkiyəyə aparılacaq.

- Müsahibələrinizin birində demişdiniz ki, geyiminizə nəinki həyat yoldaşınız, atanız belə qarışa bilməz. Dəfilələrdə geyindiyiniz libaslar da açıq-saçıq olduğu üçün tez-tez tənqid olunur.

- Mən açıq-saçıq, transparan libasları gözəl təqdim edə bildiyim üçün geyinirəm. Mənə heç kim qadağa qoya bilməz.

- Siz də aparıcılıq etmisiniz. Azərbaycanda son günlər məşhur verilişlər qalmaqallı olduqları üçün bağlandı. Verilişlərimizi izləyirsiniz? Teleaparıcılarımız haqda nə düşünürsünüz?

- Verilişləri izləməyə vaxtım yoxdur. Ona görə bu haqda heç nə deyə bilmərəm.

- Çəkildiyiniz "Bəyaz qərənfil" serialı reytinq qurbanı oldu. Noyabrda çəkiləcəyiniz serialın da reytinqə görə yarımçıq qalma ehtimalı sizi narahat etmir?

- Aktrisalığa yeni başlayıram, bu işin təhsilini alıram. Rusiyada maraqlı serialda rol aldım. "Bəyaz qərənfil" reytinq qurbanı olsa da, önəmli kollektiv idi, onlardan çox şey öyrəndim. Prezident Rəcəb Tayyib Ərdoğanən həyatından bəhs edən "Kod adı K.O.Z" gözəl proyekt idi. Noyabrda çəkilişləri başlayacaq serial sevgidəndir, mükəmməl çəkiliş qrupu var. Hazırda serial haqda geniş açıqlama verə bilmərəm. deyə bilərəm ki, maraqlı iş ərsəə gələcək.

- Bir az da oğlunuz Cihangir Candan bəhs edək. Məşhurlar əsasən sənətlərinə görə övladlarına az vaxt ayırırlar. Sizin isə oğlunuzla münasibətləriniz nümunə göstəriləcək dərəcədədir. Həm sənətlə məşğul olub, həm övladına bu qədər vaxt ayırmaq çətin olmur?

- Cihangirlə bağlı nə qədər danışsam, azdır. O, mənim həyatımın ən dəyərli varlığıdır. Bütün addımlarımı ona uyğun atıram. Allah hər kəsə övlad qismət etsin. Analıq kəlmələrlə ifadə edilə bilməz. Onun bir gülüşü, məni qucaqlaması həyatda ən böyük xoşbəxtlikdir. Cihangir üçün həyatda edə bilməyəcəyim şey yoxdur.//Qafqazinfo

Telegramda izləyin

instagramda izləyin