Güc tətbiq edərək torpaqları işğaldan azad etməyin zamanıdır — Millət vəkili

"Azərbaycan Qarabağ münaqişəsinin həllində sülh danışıqlarına üstünlük verib, bu prinsiplərə sadiqliyini göstərsə də, bu məsələ danışıqlar yolu ilə həllini tapmır ki, tapmır. Münaqişənin tənzimlənməsi ilə bağlı 25 ildən artıq danışıqlar nəticə vermir. Ona görə də Azərbaycanın güc yolu ilə torpaqlarını azad etməkdən başqa yolu yoxdur".
Bunu "Ölkə.Az"a açıqlamasında deputat Elman Məmmədov Azərbaycan prezidentinin yerli mediaya müsahibəsində münaişələrin həllində beynəlxalq hüququn kobudcasına pozularaq güc amilinə üstünlük verilməsi və Azərbaycanın da bu reallığa hazır olması ilə bağlı fikirlərinə mövqeyini açıqlayarkən deyib.

"Ermənistan öz havadarlarının, ATƏT-in Minsk qrupu həmsədrlərinin dəstəyi ilə Azərbaycan torpalarını işğal etdi. Paşinyan hakimiyyətə gələndə elə düşünürdük ki, bu əvvəlki rəhbərlərin səhvindən nəticə çıxararaq, Ermənistanı üzləşdiyi iqtisadi, siyasi böhrandan çıxarmaq üçün işğalçılıq siyasətindən geri çəkilərək, qonşularla, daha doğrusu Azərbaycan və Türkiyə ilə normal münasibətlər qurmağa çalışacaq. Lakin Paşinyan da özündəki sələflərindən daha pis formada sərsəm bir yol seçdi. O, problemi həll etmək əvəvzinə vəziyyəti daha da mürəkkəbləşdirdi. Belə olan halda Azəbaycan nə etməlidir? Bununla da Paşinyan hakimiyyəti Azərbaycan güc tətbiq etməklə torpaqlarını işğaldan azad etməkdən başqa alternativ buraxmır. Belə olan vəziyyətdə Qarabağ münaqişəsinin yeganə həll variantı güc tətəbiq etməklə torpaqları azad etməkdir",- deputat bildirib.
O, əlavə edib ki, bu gün Azərbaycanın güc yolu ilə torpaqlarını azad etmək üçün iqisadi və hərbi qüdrətə malikdir:

"Bu gün Azərbaycan 90-cı illərin Azərbaycanı deyil. Bu müddət ərzində Azəbaycan hərtərəfli formada inkişaf edib. Bu gün Azərbaycan güclənib, Ermənistan isə zəifləyib. Azərbaycan güclü ordu qurub, iqtisadfiyyatı inkişaf edib. Bundan əlavə olaraq Qarabağı probleminin beynəlxalq hüquq müstəvisində həlli istiqamətində hüquqi baza əldə edib. BMT və digər beynəlxalq təşkilatlar Erməınistanın işalçılıq faktını pisləyən sənədlər qəbul edərək, işğalçılıq siyasətinə son qoymasını tələb edib. Lakin Ermənistan beynəlxalq təşkilatların da bu qərarlarına əməl etmir. Bu gün Ermənistan beynəlxalq hüquqa deyil, gücə söykənir. Ölkə başçısının da dediyi kimi bu gün beynəlxalq hüququn gücü deyil, gücün beynəlxalq hüquqa təsiri işləyir. Azərbaycanın da güc tətbiq edərək, işğal faktına son qoymaqdan başqa yolu qalmır. Beynəlxalq hüquq da Azərbaycana belə bir əməliyyata başlamaq üçün imkan yaradır. Digər tərəfdən də Azərbaycan başqa bir ölkənin ərazisini işğal etmir və başqasının torpağında gözü yoxdur. İşğal altında olan torpalarını azad etmək istəyir. Ona görə də Azərbaycan güc tətəbiq edərək işğal altında olan torpaqlarını işğaldan azad etməlidir. Və güc tətbiq edərək torpaqları işğaldan azad etməyin zamanıdır".

Telegramda izləyin