Bakı sakini iki tanışına 460 min manat "atmaqda" ittiham olunur

Bakı sakini iki tanışına 460 min manat "atmaqda" ittiham olunurBakı Ağır Cinayətlər Məhkəməsində iki nəfərə qarşı yarım milyon manata yaxın dələduzluq etməkdə ittiham olunan Elmar Məlikovun cinayət işi üzrə növbəti məhkəmə prosesi keçirilib.

Prosesdə dövlət ittihamçısı çıxış edərək, Elman Məlikovun 9 il müddətinə azadlıqdan məhrum edilməsini istəyib.

Məhkəmə prosesi iyulun 10-da davam edəcək.

İttihamda qeyd olunur ki, Elmar Məlikov cinayər əməlini "Bank VTB" ASC-nin əməkdaşı vəzifəsində çalışarkən edib. Belə ki, o, etibardan sui-istifadə və aldatma yolu ilə Tamilla Mikayılovanın əmlakını ələ keçirib. Bu məqsədlə T.Mikayılovanın pulunu "Accessbank" ASC-də debet kartla şəxsi hesabına ABŞ dolları şəklində mədaxil edərək, hesabdakı pulu manata dəyişməklə məxaric edib, həmin pulu valyutadəyişmə məntəqəsində ABŞ dollarına dəyişərək yenidən şəxsi hesabına mədaxil etməklə, mütəmadi olaraq konvertasiya əməliyyatı həyata keçirib.

Məlum olub ki, bu yolla o, zərərçəkmiş şəxsə gündəlik qazanc verəcəyini yalandan vəd edib, ona ümumilikdə 280 min manat zərər vurub.

İş üzrə digər zərərçəkmiş Mehman Allahverdiyevdir. Təqsirləndirilən şəxs ona qarşı da eyni üsulla, ümumilikdə 180 min manatlıq dələduzluq edib. (Virtualaz.org)

Kriminal   Baxılıb: 373   Tarix: 03 iyul 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR