"Paşinyanın əsas hədəfi David Tonoyanı həbs etməkdir"- Politoloq rəyi

Ermənistanın keçmiş prezidenti Serj Sarqsyan 2016-cı ilin aprel döyüşləri ilə bağlı araşdırma komissiyasına çağırılacaq.2 016-cı ilin Aprel döyüşlərində Ermənistan ordusu Azərbaycanın işğal altında olan Dağlıq Qarabağ bölgəsndə məğlub vəziyyətə düşüb. Baş nazir Nikol Paşinyan hakimiyyətə gələndən sonra Ermənistan parlamenti həmin məğlubiyyətin səbəblərini araşdırmaq məqsədilə araşdırma komissiyası yaradıb. Parlamentin araşdırma komissiyasının qərarı hüquqi qüvvəyə malik olacaq.Paşinyanın məqsədi nədir?

Bununla bağlı Sonxeber.az-a danışan Siyasi İnnovasiya və Texnologiyalar Mərkəzinin direktoru, politoloq Mübariz Əhmədoğlu bildirib ki, Nikol Paşinyan sivil idarəçilik və dövlətçilik psixologiyasına malik olmayan insandır: "Müxtəlif ssenarilər hazırlayır ki, keçmişdə və bu gün yüksək vəzifələrdə olan şəxsləri hüquq-mühafizə orqanlarının nəzarəti altında saxlasın. Aprel komissiyasının da ən əsas məqsədi keçmiş hakimiyyətin təmsilçilərini qarmaqda saxlamaqdır. Serj Sarksiyanın prezidentliyi dövründə yüksək postlarda olan insanlar bu gün də vəzifələrdədir. Müdafiə naziri David Tonoyan Serj Sarksiyanın prezidentliyi dövründə müavin idi. Müdafiə nazirinin ABŞ, NATO və Qərb dövlətləri ilə əlaqələrini qururdu. Sonra David Tonoyan Serj Sarksiyanın hakimiyyətinin son illərində Fövqəladə Hallar naziri təyin olub. Əslində məqsəd Fövqəladə Hallar nazirliyini ikinci Müdafiə Nazirliyinə çevirmək idi. David Tonoyanla Nikol Paşinyanın düşüncələri üst-üstə düşmür. Nikol Paşinyan çalışır ki, onu həbs etdirsin. Dünənki vəzifədən azad olunanlar da vaxtı ilə David Tonoyanla yaxşı münasibətləri olub. Hal-hazırda yaradılan aprel komissiyası çox insanın üstünə gedə bilər. Serj Sarqsyana da cinayət işi aça bilər. Amma məncə əsas hədəf Ermənistanın bugünki Müdafiə naziri David Tonoyanın qarmaqda saxlamaq, bəlkə də həbs etdirməkdir".

Aysel Yusifqızı

Telegramda izləyin

instagramda izləyin