Bakıda 1 sot torpağın qiyməti açıqlandı - CƏDVƏL

Şirkət rəhbəri rəqəmləri açıqladı.

Artıq mövsümi ayların başlaması ilə əlaqədar mart ayında torpaq bazarında təklif portfeli artaraq 437 ədəd təşkil etmişdir ki, buna da səbəb torpaq bazarında aktivliyin artması olub, buda öz növbəsində qiymətin manatla ifadədə nisbətən artmasına gətirib çıxarıb.

Bu barədə "MBA Consulting Group" şirkətinin deirektoru Nüsrət İbrahimov məlumat verib.

"Sahələrinin satış müddəti (ekspozisiyası) ötən aya nisbətən -13.0% azalıb. Ötən ay bazara çıxarılan 1 sot torpağın orta qiyməti manatla ifadədə 5.91% artaraq 15.708 AZN/sot səviyyəsindən 16.636 AZN/sot səviyyəsində qərarlaşıb.

Baş verən devolvasiya nəticəsində dollar ilə ifadədə isə orta qiymət 1 sota görə -20.88% azalaraq 15.844 $/sot təşkil edib"-deyə, Nüsrət İbrahimov bildirib.

Onun sözlərinə görə, təklif portfelinin həcmində son ayda artım müşahidə olunub:

"Bakı şəhəri rayonları üzrə qiymət artması ən çox Sabunçu, Suraxanı və Xətai rayonlarında qeydə alınıb,müvafiq olaraq 18%, 12% və 16%.-dir. Qiymət artımının son ayda şəhərin bütün rayonlarında hiss edilməsini, bu seqment üzrə olan təlabatın artması ilə əlaqələndirmək olar. Qiymətlərin və torpağa olan tələbin artmasına uyğun olaraq, təklif portfelinin həcmində son ayda artım müşahidə olunub".
əklifin strukturu aktivliyin həcmindən asılı olaraq zonalar üzrə müxtəlif olub. Belə ki, təklif portfelində ən çox paya malik IV zonadır. Hazırda mövsümi ayların başlanması ilə əlaqədar bu zonada olan torpaq sahələrinə təlabatın artması nəticəsində bazarda təklif də artıb.
Qeyd edək ki, Ay ərzində bazara təklif еdilən ən bahalı torpaq sahəsi Nərimanov rayonunda, Montin qəsəbəsində (106 000 $/sot), ən ucuz torpaq sahəsi isə Suraxanı rayonunda, Hövsan qəsəbəsində (700 $/sot) qеydə alınıb.
/oxuaz

Telegramda izləyin