"Albert hücumda olanda erməni tankları pərən-pərən düşürdü"-Tarixçi-alim

Bu gün Azərbaycanın Milli Qəhrəmanı Albert Aqarunovun doğum günüdür.

Albert Aqarunoviç Aqarunov 1969-ci il aprelin 25-da Bakının Əmircan qəsəbəsində yəhudi ailəsində anadan olub. Qarabağ müharibəsi başlayarkən, Aqarunovun evə gəlib və cəbhəyə könüllü yazıldığını deyib. Onun ailəsi erkən yaşda Aqarunovun həyatını riskə atmasını istəmirdi və dolayı yolla onu müharibəyə getmək fikirdən çəkindirməyə çalışsa da, Aqarunov cəbhəyə yollanıb. O, Xankəndi, Daşaltı, Cəmilli istiqamətində gedən döyüşlərdə erməni işğalçılarının xeyli canlı qüvvəsini, zirehli texnikasını məhv edib. Aqarunov 8 may 1992-cu ildə Şuşa uğrunda gedən döyüşlərdə snayper gülləsinə tuş gəlib və döyüş meydanında həlak olub. Azərbaycan Respublikası prezidentinin 7 iyun 1992-ci il tarixli 833 saylı fərmanı ilə Aqarunov Albert Aqarunoviç ölümündən sonra "Azərbaycan Milli Qəhrəmanı" adına layiq görülüb.

Mövzu ilə bağlı tarixçi-alim Dilavər Əzmli Sonxeber.az-a danışıb. O, bildirib ki, Azərbaycanda həmişə insanlar əminamanlıq şəraitində yaşamış və bir süfrənin ətrafına toplaşaraq doğma Vətənimizin çətin vəziyyətində düşmənə qarşı birgə vuruşmuşlar:

"Ölkəmizdə olan bütün xalqlar sülh və əminamanlıq nəticəsində qaynayıb-qarışmışlar. Belə xalqlardan biri də ölkəmizin həmişə şad və kədərli günlərdə bizmilə çiyin-çiyinə gedən yəhudi xalqıdır. Albert Aqaraunoviç Ararunov bunun əyani nümunəsidir. Bu insan çox bilikli bir hərbiçi olmaqla bərabər, həm də yüksək əxlaqa sahib, olduqca səmimi biri olub. Bu haqda mənə onun döyüş yoldaşları danışıb.

Onlar onun bir tankçı kimi hünərindən, zirehli maşınla necə manevr etməsindən və həyacan dolu xatirələrindən danışıb və onun necə bir qiymətli insan olduğunu vurğulayıblar. Söylədiklərinə görə, ermənilər onun manevrlərindən dəhşətə gəlir və onu zərərsizləşdirə bilmirdilər. Albert hücumda olanda erməni tankları pərən-pərən olurdu. Onun şəhidliyi də ürəyinin böyüklüyündən baş verib.

Şuşa uğrunda döyüşlərdə qəhrəmanlıq göstərən Albertin tankının qabağında həlak olmuş azərbaycanlı döyüşçünün meyitini çıxarır amma hərb qaydalarına görə, o, həmin anda tankı meyitin üzərindən sürməliydi. Amma mənəviyyatı, yüksək əxlaqı buna imkan vermir. Albert meyiti tankın qabağından götürmək üçün tankın lyukunu açıb oradan çıxmaq istəyir. Sən demə gavur erməni snayperi tankın dayanmasını görüb nədənsə şübhələnir və izləyir. Görəndə ki, lyuk açıldı və Albert başını çıxartdı, həmin an onu snayper gülləsi ilə qətlə yetirir...
Baxın, bu insan döyüşdə misilsiz qəhrəmanlıq göstərir. İkinci qəhrəmanlıq isə yüksək əxlaq, mənəviyyat qəhrəmanlığıdır. Məncə, ona buna görə də ya orden, ya da ikinci dəfə qəhrəmanlıq vermək olardı.

Albert bizim düşmənlərə qarşı vuruşumuzda azərbaycanlı-yəhudi birliyinin əyani göstəricisidir. Bu torpaqlar bizim də, onların da Ana Vətənidir. Vaxtilə erməni gavurlar havadarlarının dəstəyi ilə bizlərə qarşı "soyqırım" edəndə yəhudiləri də amansızcasına qırıblar. Albert bütün dünyaya sübut etdi ki, Azərbaycanda yəhudilər dövlətçilikdə daima iştirak edib və bu dövlətçiliyi göz bəbəyi kimi qoruyublar. Eləcə də Azərbaycanda olan digər xalqlar Azərbaycan uğrunda canından keçməyə hazırdırlar. Qoy erməni gavurlar bunu unutmasınlar. Çünki qarşıda bizi Qarabağ uğrunda savaş gözləyir. Biz birgə bu vətəni bu ərazilərə gətirilib yerləşdirilən, müxtəlif dövlətlərin əlaltısı olan erməni gavurlarından xilas edəcəyik. Heç bir qüvvə bizim birliyini sarsıda bilməz. Bir daha təkrar edirəm ki, Albertin qəhrəmanlığı bu birliyin möhtəşəm nümunəsidir. Azərbaycan dövləti bu qəhrəman oğlumuzun fədakarlığını yüksək qiymətləndiribdir, ona "Azərbaycanın Milli Qəhrəmanı" adını verib və şəhərin görkəmli yerində əzəmətli bir abidə qoyubdur. Şəxsən mən bu abidəni ziyarət edəndə düşmənə qarşı döyüşmək üçün qanım qaynayır. Şəhidlər ölmür, onlar diridirlər".

F.Ağayeva

Telegramda izləyin