Rəşadətli ordumuz zəfər yürüşünü davam etdirir-AÇIQLAMA

Oktyabrın 16-17-də düşmən mövqe, texnika və canlı qüvvə baxımından böyük itkilərə məruz qalıb. Füzuli şəhəri, xeyli sayda kənd işğaldan azad olunub. Azərbaycan Ordusunun qətiyyətli zərbələri nəticəsində bütün cəbhə boyu sürətlə geriyə çəkilməyə məcbur olan Ermənistan rəhbərliyi çıxış yolunu dinc əhalidən qisas almaqda görərək Gəncə şəhərini raket ətəşinə tutmağı əmr verib.

Bununla bağlı Sonxeber.az-a deputat Cavid Osmanov açıqlama verib.

"Sentyabrın 27-dən bugünə qədər davam edən şiddətli döyüşlər, Ermənistan tərəfinin terror və təxribatlarının, vandal hərəkətlərinin qarşısını ordumuz qətiyyətlə alır.
Ali Baş Komandanın rəhbərliyi ilə rəşadətli ordumuz zəfər yürüşünü davam etdirir.

Cənab Prezidentimiz də bu gün xalqa müaricətində Füzuli şəhəri və 7 kəndimizin düşmən tapdağından azad edilməsi ilə bağlı Azərbaycan xalqını təbrik etdi.

Düşmən artıq müharibənin bütün cəhbələrində, səngərdə, diplomatiyada və informasiya müharibəsində uduzmaqda davam edir. Çıxılmaz vəziyyətdə, təşviş içində olan bugünkü Ermənistanın separatçı, terrorist hərbi-siyasi rəhbərliyi, artıq hərbi cinayətlərə, hərbi terrorlara əl atmaqla Azərbaycanın mülki vətəndaşlarını atəşə tutur.

Bununla da onlar Azərbaycan xalqının iradəsini sındırmağa çalışırlar. Amma unudurlar ki Azərbaycan tərəfinə atılan hər mərmi, bu xalqı daha da qorxmazlaşdırır, daha da mərd edir və birləşdirir.

İnanıram ki artıq dünya, beynəlxalq təşkilatlar ermənilərin bu vandallığına susmayacaq. Ermənistan, bu addımları ilə ATƏT-in Minsk qrupunun həmsədr ölkələrinə qarşı öz hörmətsizliyini nümayiş etidirir."

Telegramda izləyin

instagramda izləyin