Məktəb elm ocağıdır - Namaz yeri deyil

Bir çox sosial şəbəkədə təxminən 8-9 yaşlı oğlan uşağının sinifdə namaz qıldığı yerdə fotosu yayılıb. Bu foto sosial şəbəkə üzvlərinin ciddi müzakirə obyektinə çevrilib.

Bəziləri bunu düzgün addım kimi qəbul edib: 'Araq içir? Tində durub siqaret dilənir? Namaz qılır da'. Bəziləri isə bunun yanlış olduğunu bildirdi. Bu yaşda uşağın təmiz beyninin ancaq elm öyrənməyə işləməli olduğunu bildirdilər. Bəs İslam dini və reallıqlar nə deyir? Əvvəla İslamın şərtinə görə qızlar 9, oğlanlar 15 yaşı tamam olduqdan sonra namaz qılmalıdırlar. Bu onlar üçün artıq vacibdir. Çünki, qeyd edilən yaşa çatdıqda artıq onlar özlərini və həyatı dərk etməyə başlayırlar. Həm də bu yaşda onların hormonları sürətli inkişaf edir. Namaz qılmağın əsas şərtlərindən biri də təmizlik olduğu üçün bu həmin uşaqların yaşa uyğun olaraq neqativ işlər görməsindən çəkindirir. Bir də namaz qılmaq üçün məkanlar var:məscid,came, öz evin və təmiz bir yer. Məktəb isə oxumaq üçündür. Məktəb dini vacibatı yerinə yetirmək məkanı deyil. Zatən Quranın ilk əmri 'Oxu!' deyilmi? Məşhur türk ilahiyyat professoru Yaşar Nuri Öztürkün sitatı: Quranın və dolayısı ilə İslamın təməl prinsipi namaz deyil, oxumaqdır. Oxumağı əsas prinsip qəbul edən ölkələrlə namazı əsas prinsip qəbul edən ölkələrin inkişaf səviyyələrini müqayisə etmək kifayətdir ki, aralarındakı fərqi görək.

Dünyanın ən ağıllı,ən müdrik insanları yalnız oxumağa üstünlük veriblər. İslam Peyğəmbəri 1 saat elm oxumaq 40 il ibadətdən üstündür deyib.' Göründüyü kimi elə İslama görə o uşağın o yaşda namaz qılması, həm də məktəbdə namaz qılması düzgün deyil.(faktor.az)

Telegramda izləyin