"Pul lazımdır, 10 min təzminat istəyəcəm"

Sonxeber.az respublika.info-ya istinadən xəbər verir ki, bu barədə aktyorun özü məlumat verib. A.Quliyev haqqında dezinformasiya yayanlardan təzminat tələb edəcəyini deyib: "Həyat yoldaşım "Semaşko"da müalicə alır. Mən də onun yanına getmişdim. Kimsə məni orada görüb yazıb ki, Arif Quliyev xəstəxanaya yerləşdirilib. Belə yalan olar? Mənə heç nə olmayıb. Təzyiqim qalxmışdı, iynə vurublar qaydasına düşüb. İstəyirəm yalan yazanları məhkəməyə verim və onlardan 10 min manat tələb edim. Vəziyyət ağırdır. Yoldaşımı əməliyyat etdirməliyəm. İrana və başqa ölkələrə ketmək üçün pul lazımdır".

Aktyor qeyd edib ki, gəzən söz-söhbətin qarşısını almaq üçün həyat yoldaşını xəstəxanadan çıxararaq evə köçürüb: "Orada yata bilmir, hamı gəlib maraqlanır. Bu səbəbdən dedi ki, evə getmək istəyirəm".

Qeyd edək ki, iki gün öncə mətbuatda xalq artisti Arif Quliyevin səhhətində ağır problem yarandığı və onun 1 saylı Şəhər Klinik Xəstəxanasına yerləşdirildiyi haqqında məlumat yayılmışdı.

Telegramda izləyin