Avtovağzal gücləndirilmiş iş rejiminə keçir

"Qurban bayramı və yeni dərs ilinin başlanması ilə əlaqədar Bakı Beynəlxalq Avtovağzalı sentyabrın 9-dan 15-ə qədər gücləndirilmiş iş rejimində fəaliyyət göstərəcək".

Bu barədə Sonxeber.az-a açıqlamasında avtovağzalın növbə rəisi Məhəmməd Abdullayev deyib.

Onun sözlərinə görə, Qurban bayramı və dərs ilinin başlanması ilə bağlı rayonlardan Bakıya gələnlərin, və rayonlara gedənlərin sayında artım müşahidə edilir: "Paytaxta üz tutanlar arasında daha çox tələbələr çoxluq təşkil edir. Bu baxımdan bölgələrdə sərnişin sıxlığı yaşanır".

M.Abdullayev deyib ki, əsas sərnişin sıxlığı sentyabrın 9-u, 10-u, 11-i tarixlərində olacaq. Adi günlərdə 400 nəqliyyat vasitəsi və 10 minə qədər sərnişin daşınırdısa bayram ərəfəsində 600-dən çox nəqliyyat vasitəsi və 15 mindən yuxarı sərnişin daşınması nəzərdə tutulub.

O, bildirib ki, xəttə əlavə olaraq 200 nəqliyyat vasitəsinin qoşulacağı nəzərdə tutulub. 10 gün öncədən satış kassaları və online bilet satışları həyata keçirilir. Sərnişinlər bilet almaq üçün 1 həftə 10 gün əvvəl müraciət etsinlər ki sonradan hər-hansı problemlə üzləşməsinlər. Suni qiymət artımının qarşısını almaq üçün 11 nəfərdən ibarət Komisisya fəaliyyət göstərəcək. Kənardan dəvət olunmuş sərnişindaşıma ilə məğul olanalra ciddi nəzarət ediləck. Nizam- intizamı pozanlar kənarlaşdırılacaq.

Qeyd edək ki, bu il sentyabrın 12-13-ü Qurban bayramı qeyd olunacaq. Sentyabrın 12-i birinci, 13-ü isə ikinci günə təsadüf etdiyindən, ardıcıl 4 gün - sentyabrın 10-u (şənbə), 11-i (bazar), 12-si və 13-ü iş olmayacaq.

Telegramda izləyin