Yeni "Taliban" hökumətində kimlər olacaq? - ARAŞDIRMA

Avqustun 15-də "Taliban"ın Əfqanıstanda nəzarəti ələ keçirməsindən sonra bütün gözlər yeni hökumətin necə qurulacağına yönəldi.

Sonxeber.az Euronews-a istinadən xəbər verir ki, "Taliban" mənbələrindən əldə edilən məlumata görə, Şeyx əl-Hadis Məvləvi Abdulhakim Sahib Əmir əl-Muminun (Möminlərin Əmiri) olaraq təyin edilib.

"Taliban"ın qurucularından olan şeyx Əbdülhakim təşkilatın ilk hakimiyyəti dövründə ədliyyə naziri vəzifəsini öz üzərinə götürüb. Pakistanda həbsxanadan çıxdıqdan sonra Dohada keçirilən sülh danışıqlarında iştirak edən Şeyx Əbdülhakim, həmçinin, keçən il danışıqlar qrupunun rəhbəri də təyin edilib.

"Taliban" lideri Şeyx Heybətullah Axundzadənin yeni idarədə ruhani liderliyini qoruyacağı qeyd olunur. O, sələfi Molla Mansur Axtarın 2016-cı ildə ABŞ-ın pilotsuz təyyarələri tərəfindən öldürülməsindən sonra "Taliban"ın 1 nömrəli adamı təyin edilib. Hərbi komandirdən çox dindar bir kimliyə mənsub olması onun "Taliban" tərəfindən mənəvi bir şəxsiyyət olaraq xidmətə seçilməsinə səbəb olub.

Onu da qeyd edək ki, "Taliban"ın qurucularından biri olan Molla Əbdülqani Baradar yeni hökümətin baş nazir vəzifəsini icra edəcək. Baradar Sovet İttifaqının Əfqanıstanı işğal etməsi ilə müqavimət qruplarına qoşulub və o zaman mücahidlər arasında sevilən bir şəxs olub. O, "Taliban"ın qurucusu Molla Ömərlə birlikdə SSRİ qüvvələrinə qarşı illərcə döyüşüb. Molla Ömər və Molla Əbdülqəni Baradarın iki bacıyla evlənərək bacanaq olduqları da bildirilir.

Rəsmi olaraq açıqlanmayan siyahıya görə, hökumətdəki digər vəzifə bölgüsü belədir:

Əl-Həcc Sədr Məhəmməd İbrahim Sahib - Müdafiə naziri,
Xəlifə kimi tanınılan Siracəddin Həqqan - Daxili işlər naziri,
Malaqal Ağa Axund - Maliyyə naziri,
Abbas Stanqari - Xarici işlər naziri,
Hacı Gül Məhəmməd kimi tanınılan Molla Məhəmməd Naim - Dövlət sərhədlərinin qorunulması naziri,
Molla Məhəmməd Həsən Rəhmani - Təbii sərvətlər naziri,
Fətullah Mövləvi Fətullah Mansur İbn Şahid Mansur Sahib - Hərbi Hava Qüvvələri komandanı,
Molla Əbdül Qəyyum Zakir - Kabil qüvvələrinin başçısı.

Rafi Müslümov

Telegramda izləyin