Şiddət görən ana evdən gedərkən övladını özü ilə apara bilərmi? - AÇIQLAMA

İstiqamət: Gender, ailə və demoqrafiya məsələlərinin işıqlandırılması

Son zamanlar ölkəmizdə qadına şiddət artıb. Həyat yoldaşları tərəfindən küçəyə atılan, bıçaqlanan, öldürülən qadınlarımızın sayı artmaqda davam edir. Bəs şiddət görən ana evdən getmək istəsə, övladını da özü ilə apara bilərmi? Qanun bu barədə nə deyir?

Məsələ ilə bağlı Sonxeber.az-a hüquqşünas Tağı Hüseynov açıqlama verib.

Hüquqşünas övladın 7 yaşa kimi ana ilə qalmalı olduğunu, hətta bunun ailə məcəlləsinin 52-ci maddəsində qeyd olunduğunu da vurğulayıb:

"Əgər uşaqlar 10 yaşına çatıbsa, artıq kiminlə qalmaq istədikləri barədə uşaqların fikiri soruşulur. Hazırda qanunvericilikdə dəyişiklik edilib və hakim uşaqların fikrini 7 yaşına çatdıqda belə, soruşa bilər, yəni 7 yaşlı uşaq da seçimini özü edə bilər.

Ananı istəsələr, təbii ki, ana gəlib uşaqları götürə bilər. Bu müqayisəyə onsuz da məhkəmədə baxılır. Əgər ata uşaqları aparmağa qoymasa, məcburi yanında saxlasa, ana övladlarının onun himayəsinə verilməsi üçün yenidən məhkəməyə müraciət etməlidir".

Material Azərbaycan Respublikasının

dəstəyi ilə hazırlanmışdır.

ZAİRA AKİFQIZI

Telegramda izləyin

instagramda izləyin