Nəriman Abbasovun Həbib Nurməhəmmədova müraciətinin SƏBƏBİ - VİDEO

"Həbib Nurməhəmmədov Nərimana döyüşdən əvvəl söz vermişdi. Demişdi ki, əgər sən bu döyüşdə qalib olsan, mən sənə UFC-də çıxış etməyə kömək edəcəyəm".

Sonxeber.az xəbər verir ki, bunu Oxu.Az-a azərbaycanlı MMA idmançısı Nəriman Abbasovun şəxsi məşqçisi Şəhriyar Abbasov deyib.

O, Nərimanın UFC-də çıxış edə bilməsi üçün Həbibin kömək edə biləcəyini bildirib:

"Bildiyiniz kimi, Həbib Nurməhəmmədovun UFC rəhbərliyi ilə münasibətləri yaxşıdır. Onun ora ilə əlaqələri qalmaqdadır. Ona görə Nəriman döyüşdən sonra Həbibə xatırlatma edərək "çemodanım hazırdır, səni gözləyirəm" dedi. Həbib də artıq paylaşdığı postunda bildirib ki, nə lazım olsa, Nərimana kömək etməyə hazırdır".

Qeyd edək ki, Nəriman Abbasov Rusiyanın paytaxtı Moskvada Həbib Nurməhəmmədovun atası Əbdülmanaf Nurməhəmmədovun xatirəsinə həsr olunan EFC və "AMC Fight Nights" təşkilatlarının birgə keçirdiyi turnirdə Şamil Zavurova qalib gələrək dördüncü dəfə kəmərə sahib çıxıb.

Telegramda izləyin