"Türklər bizi yaxşı tanıyır, biz isə..." - Erməni prodüserdən MARAQLI ETİRAF

"Türklər bizi yaxşı tanıyır, biz isə nə özümüzü, nə də türkləri tanımırıq".

Sonxeber.az-ın Ermənistan mətbuatına istinadən verdiyi məlumata görə, bu sözləri erməni prodüser, rejissor Ruben Mxitaryan deyib:

O, ötən həftə Ermənistanda ölən 300-ə yaxın adamdan 24-ünün bədbəxt hadisələr nəticəsində, qalanlarının isə koronavirusdan dünyasını dəyişdiyini, lakin ermənilərin öz ölülərinə belə, səmimi yas tuta bilmədiklərini bildirib:

"300 ölü var, amma adlarını bilmirsən, sosial şəbəkələrdəki şəkillərini dəyişmirsən, ağlamırsan, ailələri ilə maraqlanmırsan, şam yandırmırsan, onlara həsr olunmuş mahnılar yazmırsan. Xatirə gecələri təşkil edin, ağlamayın... Təəssüf ki, əgər insan "dəbdə" deyilsə, onun ölümünə yas tutmaq da "dəbdə" olmayacaq.

Fürsətçilik və lovğalıq erməni millətini yeyib-biçdi. Dəbli "fəryad" səmimi və dürüst yası əvəz edib. İnsanların ölümü sadəcə bir televiziya xəttidir, bir neçə saniyədən sonra unudulub yox olur.

Biz özümüzü sevmirik. Biz özümüzü Türkləri "sevdiyimizdən" çox sevməmiş ola bilərik. Amma türklər bizi yaxşı tanıyır, biz isə nə özümüzü nə də türkləri tanımırıq".

ZAİRA AKİFQIZI

Telegramda izləyin