Şəhid Oktay Məmmədovun xatirəsinə - FOTO-VİDEO

Bu gün İkinci Vətən müharibəsi iştirakçısı Oktay Məmmədovun şəhadətə çatdığı gündür.

Sonxeber.az-ın məlumatına görə, qəhrəman şəhid 2012-ci ildə Azərbaycan Silahlı Qüvvələrinin sıralarında müddətli həqiqi hərbi xidmətdə olub.

Azərbaycan Ordusunun əsgəri olan Oqtay Məmmədov Ermənistan işğalı altında olan ərazilərin azad edilməsi və ərazi bütövlüyümüzün bərpa olunması üçün 27 sentyabr 2020-ci il tarixində Azərbaycan Silahlı Qüvvələri tərəfindən başlanan Vətən müharibəsi zamanı Füzulinin və Şuşanın azadlığı uğrunda gedən döyüşlərdə savaşıb.

Oqtay Məmmədov noyabrın 8-də Şuşa döyüşləri zamanı Xankəndi istiqamətində gedən döyüşlərdə şəhid olub və Gəncə şəhərinin Şəhidlər Xiyabanında dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılıb, hərbi hissə qarşısında qoyulan tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən, Oqtay Məmmədov ölümündən sonra "Vətən uğrunda", "Cəsur döyüşçü", "Şuşanın azad olunmasına görə" medalları ilə təltif edilib.

Aysel Səfərzadə

Telegramda izləyin