Məzahir Quliyevlə " Gözəl burun, Rahat nəfəsə"-ə çatmaq çox asandı

Həyatdakı ən vacib peşələri sırayla düzməli olsaq, çox güman ki, həkimlik ilk sırada durar. Niyə? Çünki birbaşa insan sağlamlığı ilə işləyən həkimlərin işi həm məsuliyyət, həm də cəsarət tələb edir. Bir də həkimliyin estetik cərrahiyyə növü vardır ki, həmin işlə məşğul olan həkimlər sağlamlığımızla yanaşı bizim xarici görünüşümüzün də qeydinə qalırlar. Haqqında bəhs edəcəyimiz həkim Tibb Üzrə Fəlsəfə Doktoru Məzahir Quliyev Azərbaycanın tibb sahəsində öz sözünü demiş, savadı ilə, təcrübəsi ilə layiqli işlərə imza atmış həkimlərindəndir.

Hər insan sağlamlığı və ya xarici görünüşü ilə bağlı qərar verdikdə özünü əmanət edəcəyi həkimi araşdıraraq düzgün seçməlidir. Məzahir həkim də məhz həmin həkimlərdəndir ki, sağlamlığınızı da, görünüşünüzü də ona gözü bağlı əmanət edə bilərsiniz. O, pasientlərinə tibbin müasir standartlarına uyğun ən müasir cihaz və avadanlıqlar vasitəsilə və təcrübəli, gülərüz tibbi heyəti ilə birlikdə yüksək səviyyədə tibbi xidmətin həyata keçirilməsini təmin edir. Onun üçün pasientlərin məmnunluğu həmişə ön plandadır. Doktor Məzahir Quliyev, ixtisasca qulaq, burun, boğaz həkimidir. Lakin hələ uşaqlığından içindəki yaradıcılıq eşqini kəşf edən həkim bu cəhətini peşəsində də əks etdirmiş, burun estetik cərrahiyyəsinə yönəlmişdir.

Onun əsas fəaliyyət istiqaməti burun və burunətrafı ciblərin patologiyaları, o cümlədən funksional endoskopik sinus cərrahiyyəsi(FESC), Rinoplastika əməliyyatları, revizyon (təkrar) rinoplastika, bir sözlə burnun Estetik və Funksional əməliyyatlarıdır. Rinoplastika əməliyyatlarını Məzahir həkim dünyada günümüzdə məşhur olan "Piezo" cərrahiyyəsi və "Ultrasonik" cərrahiyyə deyilən metodla həyata keçirir.

Özünün də patentini aldığı xüsusi yeni aləti ilə bu metodu tətbiq edərək burun sümüklərini çəkic ilə sındırmaqla deyil ultrasəs dalğaları ilə kəsib şəkilləndirərək daha zərif, xüsusilə üzə uyğun burun əldə edilməsinə nail olur. Belə əməliyyatlardan sonra üzdə qaralma, şişkinlik və göyərmələr yox deyiləcək qədər az olur və nəticədə pasientlər də öz işlərinə, sosial həyatlarına daha tez qayıdırlar.
Məzahir həkim işinə böyük bir sevgi ilə bağlıdır. İnsanlara sevgisi, insanlığa faydalı olmaq istəyi onun yorulmadan fəaliyyət göstərməsinə, daim araşdıraraq yeniliklərə imza atmasına səbəb olur. O, Türkiyə, Almaniya, İtaliya və Rusiyada elmi-praktik təcrübələr keçmiş, bu ölkələrdəki yenilikləri ölkəmizdə tətbiq edərək xalqımıza dünyadakı müasir protokollara uyğun tibbi xidmətləri həyata keçirməkdədir. Eyni zamanda o, özünün tibb sahəsindəki yenilikləri ilə Azərbaycanımızı bu sahədə ucaltmaq üçün xarici ölkələrdəki konfranslarda təmsil etmişdir. Boş vaxtlarında belə o, araşdırmalar edir, tibbi məqalələr oxuyur, fəaliyyətini daim genişləndirir. Təsadüfi deyil ki, Doktor Məzahir Quliyev 9 yeni alət üzrə patentin müəllifidir.
Bu aramsız fəaliyyətinin nəticəsi olaraq 2016-cı il fevralın 10-da Tibb üzrə Fəlsəfə Doktoru alimlik dərəcəsinə layiq görülmüşdür. Onun elmi işləri Türkiyə, Hindistan, Gürcüstan və s. bir çox ölkələrdə keçirilən konfranslarda məruzə edilmişdir.

Ümumiyyətlə, Məzahir həkim işinin incəliklərini bölüşməyi sevir, hazırda o, Ə.Əliyev adına Azərbaycan Dövlət Həkimləri Təkmilləşdirmə İnstitutunun Otorinolarinqologiya kafedrasının assisenti olaraq həmin kafedrada dərs keçir. Fəaliyyətləri saymaqla bitməyən həkimimiz Türk Kulak Burun Boğaz və Baş Boyun Cərrahiyyəsi dərnəyinin, Türk Fassial Plastik Cərrahiyyə dərnəyinin, Türk Rinoloji dərnəyinin və Avropa Fassial Plastik Cərrahiyyə dərnəyinin üzvüdür. Qeyd edək ki, Doktor Məzahir Quliyev Azərbaycan Rinoloqlar Cəmiyyətinin də sədridir. Həkimimiz 2018-ci ildə Azərbaycanda təşkil edilmiş Bakı Rinoplastika Günləri konfransının təşkil edilməsində böyük rol oynamış və iclasa sədrlik etmişdir.
Həkim olmaq savad, bacarıq, cəsarət tələb etdiyi qədər vicdan, dürüstlük, mərhəmət kimi insani keyfiyyətlər də tələb edir. Məzahir həkimdə də bütün bu xüsusiyyətlər vardır, onun üçün bütün pasientləri özəldir, hər biri ilə yaxından maraqlanır, heç zaman onlara səthi yanaşmır. Xəstələrinin psixologiyasını da düşünür, onlarla səmimi söhbətlər edərək onları diqqətlə dinləyir, ətraflı müayinə edərək əməliyyata, vəya müalicəyə əvvəlcədən hazırlayır. Həkimimiz pasientlərinə özündən daha çox dəyər verərək, onlarla hər zaman mehriban davranmağa xüsusi önəm verir. Məzahir həkimin bir devizi var ki, "Gözəl burun, rahat nəfəs" hər kəsin təbii haqqıdır, o da bir həkim olaraq bütün bilik və bacarığını ortaya qoyaraq pasientlərinə o haqqı təmin edir. Xəstələrinin hər birinə fərdi yanaşan həkimimiz onlara qayğı ilə diqqət göstərir, gördüyü hər işə varlığını əsirgəmir.

O, bu işi seçərkən də insanlara faydalı olmağı qarşısına məqsəd olaraq qoymuşdu. Məqsədindən bir an olsun yayınmayan Məzahir bəyin insanlara olan sevgisi onun yaradıcı ruhunu qidalandırır. Mükəmməliyyətçi bir insan olması işlərində də özünü göstərir, nəticəsi hər zaman həm onun, həm də pasientlərinin ürəyincə olur. İstər təcrübəsi, istərsə də savadı ilə insanlara və ölkəmizə faydalı olmağa çalışan Məzahir Quliyev peşə biliklərini ən düzgün şəkildə yönləndirməyi bacarır. Azərbaycan səhiyyəsində bir çox ilkə imza atmış həkimimiz bu qətiyyəti və çalışqanlığı ilə hələ çox uğurlara öz adını yazdıracağına inanırıq.Biz də uğurlu peşə fəaliyyətində Məzahir həkimə müvəffəqiyyətlər arzu edirik.

Telegramda izləyin