"ATƏT-in Minsk qrupundan Bakıya ya da İrəvana yazacaqlar ki...."
Xəbər verdiyimiz kimi, noyabrın 16-da dövlət sərhədində Ermənistanın təxribatları nəticəsində baş verən döyüş əməliyyatları zamanı Azərbaycan Ordusu yeddi şəhid verib.
Məsələ ilə bağlı hərbi ekspert Üzeyir Cəfərov Sonxeber.az-a açıqlama verib.
O, Müdafiə Nazirliyinin siyahını təqdim eddiyini qeyd edərək təəssüfünü bildirib::
"Təəssüf ki, 7 şəhidimiz var. Onlar arasında zabit, gizir və müddətdən artıq xidmət edən hərbi qulluqçu, o cümlədən əsgərlərimiz də var, 10 nəfər əsgərimiz isə yaralanıb. Allahdan şəhidlərimizə rəhmət, yaralılarımıza şəfa diləyirəm. Bu, çox böyük faciədir. Övladlarımız ermənilərin vəhşilikləri nəticəsində həyatlarını itiriblər. Söz tapmaq çətindir. Bizim balalarımız bu acını yaşamamalı idi. Amma ermənilər bunu bizə yaşatdılar. Nə demək olar? Müharibə itkisiz olmur. Müdafiə Nazirliyi də ölənlərin ailələrinə başsağlığı verib. Təsəllimiz odur ki, o uşaqlar xidməti borclarını yerinə yetirərkən, Vətən uğrunda həyatlarını itiriblər".
Ekspert Rusiya və Fransa kimi ölkələri da doğru siyasət seçməyə səsləyib:
"Nəhayət ki, Rusiya və Fransa öz vicdanını, şərəfini qarşısına qoyub, erməniləri ram etsinlər, başa salsınlar ki, belə davam edə bilməz! Məhz onların səhlənkarlığı və məsələləri həll etməməsi nəticəsində bu hadisələr baş verir.
Sözsüz ki, baş vermiş faciə ilə əlaqədər cinayət işi açılacaq. Amma bu, valideynlərin yarasına məlhəm olmayacaq. Biz hər dəfə erməni təxribatları ilə bağlı lazımi işlər aparırıq. Lakin zərbə ailələrə, vətəndaşlara artıq dəymiş olur.
Erməninin neçəsi cinayətə cəlb olunub. Bunlar heç vaxt məsuliyyətli olmayıblar və olmayacaqlar. Onlarda vicdan hissi yoxdur! Erməniləri birdəfəlik "yerində otuzdurmaq" lazımdır. Onlar başa düşsünlər ki, bundan sonra onların cəzaları ən sərt formada olacaq!
Rusiya guya tərəfləri barışdırıb görüşdürmək üçün prosesə qarışıb. Kimə lazımdır axı?
ATƏT-in Minsk qrupunun istədiyi qan tökülməsi idi, o da töküldü. Onlar bu gün yenidən "peyda olacaqlar", ya Bakıya ya da İrəvana yazacaqlar ki, "dərin hüzn və sarsıntı" keçirirlər. Amma bu vicdansız, şərəfsizlərə demək lazımdır ki, əgər siz vəzifə borclarınızı layiqli şəkildə yerinə yetirsəydiniz, erməni belə azğınlıq eləməzdi!
Erməniyə öz vandallığını davam etməsi üçün kifayət qədər şərait yaratdılar.
Baş vermiş hadisə bir daha bunu deməyə əsas verir ki, biz bəzi məsələlərdə həddindən artıq çox humanistlik nümayiş etdiririk. Erməniyə qarşı heç bir humanistlik olmamalıdır! Onların bizim ərazidə keçirtdiyi bu vəhşilik cavabsız qalmamalıdır! Sözsüz ki, cavabsız qalmır. Amma görün, bizim əsgərlərə qarşı hansı vəhşilik həyata keçirilib ki, zabitimiz, gizirimiz, müddətdən artıq hərbi qulluqçumuz da həyatını itirib".
ZAİRA AKİFQIZI
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş