Məktəblərdə İSTİLİK PROBLEMİ həll olundu? - AÇIQLAMA

15 noyabrdan bir çox yerlərdə istilik sistemi işə düşsə də, məktəblər hələ də isidilmir. Bu isə valideyinlərin haqlı narazılığına səbəb olur.

Bəs bu gün məktəblərdə sözügedən problem həll olunubmu?

Məsələ ilə bağlı Sonxeber.az-a "Azəristiliktəchizat" ASC-nin Abonent və Müştəri Xidmətlərinin rəisi Rafiq Əliyev açıqlama verib.

O bildirib ki, mənbələrin hər biri işləyir:

""Azəristiliktəchizat"ın mənbələrindən 281 məktəb istiliklə təmin olunur. Digər məktəblərin öz fərdi qazanxanaları var və aidiyyəti təhsil idarələrinin balansındadır.

Azərbaycanda dağlıq rayonlarda istilik mövsümünün noyabr ayının 1-dən, Bakı şəhəri daxil, digər ərazilərdə isə noyabr ayının 15-dən başlaması nəzərdə tutulub.

Bu gün "Azəristiliktəchizat"ın bütün mənbələri tam gücü ilə fəaliyyət göstərir və bütün mənbələrdə istiliklə təmin olunması nəzərdə tutulan məktəblərin hamısına istilik verilir".
ZAİRA AKİFQIZI

Telegramda izləyin