Zəlzələ zamanı dağıntı və xəsarət qeydə alınıbmı? - AÇIQLAMA

Şamaxıda baş verən zəlzələ nəticəsində hər hansı ciddi fəsad qeydə alınmayıb.

Bu barədə rayon icra hakimiyyətindən məlumat verilib.

Qeyd edək ki, bu gün Pirqulu seysmoloji stansiyasından 20 kilometr cənubda - Şamaxı rayonu ərazisində zəlzələ baş verib.Yeraltı təkanlar yerli vaxtla saat 16:46-da qeydə alınıb.

Ocağı 42 kilometr dərinlikdə yerləşən zəlzələnin maqnitudası 5.1-ə bərabər olub. Yeraltı təkanlar episentrdə 5, ətraf rayonlarda 4-3 bala qədər hiss olunub.

***
Xəbər verdiyimiz kimi, bu gün yerli vaxtla saat 16:46-da Şamaxı ərazisində zəlzələ qeydə alınıb və bir sıra rayonlarda, habelə paytaxt Bakı şəhərində hiss edilib.

Oxu.Az hadisə zamanı dağıntı və xəsarət alanların olub-olmaması ilə bağlı Daxili İşlər Nazirliyinə (DİN) sorğu ünvanlayıb.

Nazirliyin Mətbuat Xidmətindən sorğumuza cavab olaraq bildirilib ki, zəlzələnin qeydə alındığı və hiss edildiyi ərazilərdə xoşbəxtlikdən dağıntı, insan tələfatı və xəsarətlə nəticələnən hadisə qeydə alınmayıb.

Telegramda izləyin