Pandemiya ərzaqlıq buğdanın qiymətinin artımına səbəb olub

Pandemiya ərzaqlıq buğdanın qiymətinin artımına səbəb olubDünya iqtisadiyyatında COVID-19 pandemiyası ilə bağlı yaranan qeyri-müəyyənliklər, təchizat zəncirlərinə mütəmadi təzyiqlərin olması, bir sıra iqlim dəyişikliklərinin baş verməsi, logistika xərclərinin çoxalması bir sıra ərzaq məhsullarının, o cümlədən ərzaqlıq buğdanın qiymətlərində artımın yaranmasına səbəb olur.

Sonxeber.az Report-a istinadən dünya bazarlarında ərzaqlıq buğdanın qiymətində müşahidə olunan davamlı artıma təsir edən əsas amilləri diqqətə çatdırır.

Təbii ki, son illər qiymət artımı kimi mənfi tendensiyaların yaranma səbəblərindən danışarkən ilk öncə COVID-19 pandemiyasının dünya iqtisadiyyatında yaratdığı qeyri-müəyyənlikləri qeyd etmək lazımdır. Bununla yanaşı, müəyyən ekoloji faktorlar, yükdaşıma xərclərinin artması da qiymət artımına təsir edən amillərdəndir.

Digər tərəfdən əsas ixracatçı ölkələrdən olan Rusiyada ötən ilin fevralından başlayaraq ixrac tariflərinin tətbiq edilməsi ərzaqlıq buğdanın daha baha qiymətlə tədarük olunmasına gətirib çıxarır. Belə ki, keçən ilin dekabrında Rusiyada 1 ton ərzaqlıq buğdanın orta aylıq ixrac qiyməti 338 dollar olub və bu, 2019-cu ilin dekabr ayı ilə müqayisədə 58,7 faiz, 2020-ci ilin dekabrı ilə müqayisədə isə 33,1 faiz çoxdur.

Eyni zamanda, Dünya Bankının məlumatına əsasən, 2021-ci ilin noyabr ayında ərzaqlıq buğdanın 1 tonunun qiyməti 334 ABŞ dolları olub ki, bu, 2019-cu ilin noyabr ayı ilə müqayisədə 49,8 faiz, 2020-ci ilin dekabr ayı ilə müqayisədə 35,2 faiz yüksəkdir.

Azərbaycana ərzaqlıq buğdanın əsasən Rusiyadan idxal edilməsi və bu ölkədə baş verən qiymət artımı ölkəmizə də təsirsiz ötüşmür. Lakin ərzaqlıq buğdanın qiymətində baş verən artımın Azərbaycanda neqativ təsirlərini minimuma endirmək üçün dövlət tərəfindən bir sıra mühüm tədbirlər görülüb. 2020-ci ilin martından başlayaraq 12 ay ərzində ərzaqlıq buğdanın ölkə üzrə ehtiyatlarının yaradılması məqsədilə ərzaqlıq buğda təchizatçılarına ayrılmış 58,2 milyon manat kreditlər üzrə hesablanmış faizlərə 6,2 milyon manat subsidiya ayrılıb. Ərzaqlıq buğda təchizatçılarına hesablanan faizlərə subsidiya verilməsi müddətinin 12 aydan 24 ayadək uzadılması və qeyd edilən dövr üçün kreditlər üzrə hesablanmış faizlərə əlavə 7,3 milyon manat maliyyələşmə ayrılmasının planlaşdırılması da dövlət tərəfindən görülən tədbirlərə bariz nümunədir.

Həmçinin qiymət artımının qarşısını almaq məqsədilə dövlət tərəfindən il ərzində un idxalçılarına və istehsalçılarına böyük dəstək göstərilib. Buğdanın idxalı və satışının, buğda ununun və çörəyin istehsalı və satışının ƏDV-dən azad edilməsi müddətinin 2024-cü ilin yanvarın 1-dək uzadılıb, ərzaqlıq buğda və un ixracının qarşısının alınması üçün bu il mayın 1-dək un və ərzaqlıq buğdanın ixracına 1 ton üçün 200 ABŞ dolları rüsum müəyyən edilib. Ötən il fevralın 1-dən sentyabrın 1-dək olan dövrdə un istehsalçılarına satılan unun hər tonuna görə 35 manat məbləğində, sentyabrın 1-dən dekabrın 31-dək olan dövr üçün idxal olunan ərzaqlıq buğdanın həcmində ən yüksək paya malik olan 3-cü sinif ərzaqlıq buğdanın orta aylıq idxal qiyməti əsasında yeni mexanizmlə hesablanmaqla subsidiya ödənilib. Bu müddət ərzində 37 sahibkarlıq subyektindən 333 müraciət daxil olub və 2021-ci il fevralın 1-dən noyabrın 1-dək un istehsalçılarına subsidiya şəklində 35,7 milyon manat vəsait ödənilib. İlin sonunadək əlavə olaraq 39 milyon manatadək vəsaitin ödənilməsi də proqnozlaşdırılır.

Ərzaqlıq buğdanın hazırkı idxal qiymətini (Rusiya Federasiyasında ərzaqlıq buğdanın orta aylıq ixrac qiyməti 338 ABŞ dolları) nəzərə alaraq daxili bazar qiymətləri belə proqnozlaşdırılıb: 50 kiloqramlıq 1 kisə unun topdansatış qiyməti 35,9 manat, 500 qramlıq ənənəvi (dairəvi) çörəyin pərakəndə satış qiyməti 50 qəpik, 650 qramlıq ənənəvi çörəyin pərakəndə satış qiyməti 65 qəpik nəzərdə tutulur. Bu rəqəmləri yaxın coğrafi ölkələrdəki un və çörəyin qiymətləri ilə müqayisə etdikdə Azərbaycanda çörəyin qiymətinin daha ucuz olduğuna şahid olarıq. Belə ki, Azərbaycanda 500 qramlıq çörəyin qiyməti 50 qəpik olduğu halda, Gürcüstanda minimum 57 qəpik, maksimum 66 qəpik, Rusiyada 1 manat, Ukraynada minimum 1 manat 26 qəpik, maksimum 1 manat 46 qəpik, Qazaxıstanda minimum 51 qəpik, maksimum 55 qəpik, Ermənistanda isə 81 qəpikdir.


Sonxeber.az Telegramda izləyin instagramda izləyin
İqtisadiyyat   Baxılıb: 1175   Tarix: 04 yanvar 2022  

Şikayətiniz varsa Whatsapp: 051 7028255

Facebookda Paylaş


DİGƏR MARAQLI XƏBƏRLƏR

Dünyada buğdanın qiymətinin artımının Azərbaycana təsiri açıqlanıb

Azərbaycanın iri un və çörək istehsalçıları müraciət yayıb. Müraciətdə deyilir:. "Məlum olduğu kimi, baş verən qlobal neqativ proseslər, qeyri-müəyyənliklər, istehsala və təchizat zəncirlərinə təzyiqlər, həmçinin COVID-19 pandemiyası səbəbindən dünyada ərzaq məhsulların qiyməti kəskin artıb. B

4 yanvar

Ölkədə meyvə-tərəvəzin qiyməti nə qədər artıb? - FOTO

Noyabr ayı ərzində Azərbaycanda kənd təsərrüfatı məhsullarının topdansatış qiymətləri açıqlanıb. Aqrar Tədqiqatlar Mərkəzindən əldə etdiyi rəqəmlərə əsasən, əvvəlki aya (oktyabr) və 2020-ci ilin müvafiq dövrünə (noyabr ayına) nəzərən qiymətlərin dəyişməsini təqdim edir. Noyabr ayı ərzində meyvələrdə

4 yanvar

Azərbaycanda un BAHALAŞDI - YENİ QİYMƏTLƏR

Azərbaycanda unun qiyməti bahalaşıb. -a istinadən xəbər verir ki, "Karmen" ununun bir kisəsinin qiyməti 26 manatdan 36 manata, "Faduoğlu" ununun kisəsi 28 manatdan 38 manata, "Sünbül" ununun kisəsisi isə 29 manatdan 39 manata qalxıb

4 yanvar

Dollar bahalaşır: Manatın məzənnəsi ilə bağlı GÖZLƏNTİLƏR

2021-ci il ərzində ABŞ dollarının indeksi yüksəlməkdə davam edib. 31 dekabr 2021-ci il tarixinə ABŞ dollarının indeksi 95,97 olub. 2020-ci ilin dekabr ayının 31-nə indeks 89,93-ü təşkil edib. Yəni, illik müqayisədə ABŞ dollarının indeksi 6,72 faiz artıb. Bu indeks ABŞ dollarının digər valyutalara nisbətə

3 yanvar

Azərbaycanda bu il üzrə kişilərin və qadınların pensiya yaşı açıqlanıb

Azərbaycanda 2022-ci il üzrə kişilərin və qadınların pensiya yaşı açıqlanıb. "Report"un xəbərinə görə, Azərbaycanda 1 iyul 2021-ci il - 30 iyun 2022-ci il tarixində kişilərin pensiya yaşı 65 il , qadınların pensiya yaşı isə 62 il 6 ay olacaq. 1 iyul 2022-ci il - 30 iyun 2023-cü il tarixind

3 yanvar

Azərbaycanda buğda ən çox bu rayonlarda yetişdirilir

Azərbaycanda 2022-ci ilin məhsulu üçün payızlıq bitkilərin kütləvi səpini başa çatmaq üzrədir və cari il dekabr ayının 24-ü vəziyyətinə 1021987,6 hektar sahədə dən və yaşıl yem üçün payızlıq bitkilər səpilib. Dövlət Statistika Komitəsindən verilən məlumata görə, səpin aparılmış sahənin 98,8 faizini v

3 yanvar

Azərbaycan nefti 8 faizə qədər ucuzlaşıb

Azərbaycanın "Azeri Light" markalı xam neftinin bir barelinin dekabr ayı ərzində orta qiyməti 76,41 ABŞ dollarını təşkil edib. -ın məlumatına görə, ay ərzində neftin bir barelinin orta qiyməti noyabr ayı ilə müqayisədə 6,24 ABŞ dolları qədər və ya 7,55 faiz azalıb. Dekabr ayı ərzində nefti

3 yanvar

Bu gündən tibbi xidmətlərə görə ödənilən ƏDV-nin bir hissəsi geri qaytarılacaq

"Bu gündən etibarən tibb müəssisələri tərəfindən göstərilən tibbi xidmətlərə görə ödənilən ƏDV-nin də bir hissəsi geri qaytarılacaq". Bu barədə iqtisadçı deputat Vüqar Bayramov "Facebook" sosial şəbəkə hesabında paylaşım edib. O bildirib ki, vətəndaşlarımız tibb müəssisələrində ödənişlə

1 yanvar

Qlobal iqtisadiyyat 2022-ci ildə ilk dəfə 100 trilyon dolları ötəcək

2022-ci ildə ilk dəfə olaraq qlobal iqtisadiyyat 100 trilyon dolları ötəcək. Bu barədə Britaniyanın "Cebr" konsaltinq şirkətinin hesabatında bildirilib. Hesabata əsasən, Çinin dünyanın bir nömrəli iqtisadiyyat kimi ABŞ-ı geridə qoyması əvvəllər düşünüldüyündən bir az daha uzun çəkəcək. Proqnozlar

26 dekabr 2021

vipemlak.az