Həkimə qarşı 10 milyon dollarlıq DƏLƏDUZLUQ: İmzasını...

Türkiyənin İstanbul şəhərində məhkəmə-tibb ekspertizasının hesabatı ilə inanılmaz fırıldaqçılıq ortaya çıxıb.

Sonxeber.az-ın "DHA" xəbər agentliyinə istinadən verdiyi məlumata görə, 92 yaşlı təqaüdçü həkim Mahmut Karaağaç 10,6 milyon dollarlıq dələduzluğa məruz qalıb.

Belə ki, məhkəmə işində Ədliyyə Tibb Təşkilatının hesabatında inanılmaz saxtakarlıq üzə çıxıb. Dələduzluqda istifadə edilən saxta sənədlərdəki imzaların Karaağaç imzası ilə fərqli bir sənəddən çıxarılaraq köçürüldüyü müəyyən edilib.

İstanbul Respublika Baş Prokurorluğu tərəfindən aparılan istintaq zamanı Aşkın A., Səlahəddin A. və Mehmet Ali P. dələduzluq etməkdə təqsirli bilinərək 15 ilə qədər həbs cəzasına məhkum olunublar.

Həmçinin, təqaüdçü həkimə qarşı dələduzluq məqsədi ilə 3 ayrı sənəd tərtib edildiyindən, müttəhimlərin hər bir əmələ görə ayrıca cəzalandırılması tələb edilib. Təqsirləndirilən şəxslərin hər birini 45 ilə qədər həbs gözləyir.

Aysel SƏFƏRZADƏ

Telegramda izləyin