Bağçada uşağı döyən "tərbiyəçi" kimdir? - VİDEO

Sosial şəbəkələrdə uşaq bağçasında körpəyə qarşı şiddət göstərilməsini əks etdirən görüntülər insanların haqlı narazılığına səbəb olub.

Sonxeber.az-ın əldə etdiyi məlumata görə, xoşagəlməz hadisə İsmayıllı rayonu 1 saylı körpələr evi-uşaq bağçasında baş verib.

Sözügedən bağçanın müdiri Abdullayeva Qalibə Əli qızıdır. O, 1989-cu ildən şiddət göstərilən uşağ bağçasının rəhbəridir. Hələ həyatda heç nəyi dərk etməyən körpəni vuran isə, Zülfiyyə Baxışova adlı "tərbiyəçi"dir.

Əldə etdiyimiz məlumata görə, Zülfiyyə Baxışova azyaşlının "qohumu"dur.

Bu da sual yaradır ki, əgər doğurdan da qohumdurlarsa, qohumuna bu qəddarlığı edən kəs digərlərinə qarşı necə olar?!

Hadisəyə gəldikdə isə, bu, qadının uşağın şəklini çəkdiyi zaman baş verib. Belə ki, tərbiyəçi şəkil çəkmək məqsədilə azyaşlıdan şirniyyatı ağzında tutmasını istəyib. Körpə də bunu etməyincə, tərbiyəçi onun başına vurur.

Maraqlısı odur ki, həmin bağçada uşaqlar yemək yeyən zaman çəkilmiş yetərincə şəkil var.

Uşağın vurulduğu video yayıldıqdan sonra, digər uşaqların da şəkillərinin çakildiyi zaman zorakılığın olub-olmaması şübhə və sual yaradır.

Qeyd edək ki, hadisə ilə bağlı həm Təhsil Nazirliyi, həm də Daxili İşlər Nazirliyi araşdırma başladıb.

ZAİRA AKİFQIZI

Telegramda izləyin

instagramda izləyin