Azərbaycanın keçmiş naziri vəfat edib - FOTO
Azərbaycanın keçmiş material ehtiyatları naziri və sabiq deputat Fərrux Zeynalov vəfat edib.
"Report" xəbər verir ki, o, uzunsürən xəstəlikdən sonra 80 yaşında dünyasını dəyişib.
F.Zeynalov 1992-1997-ci illərdə Azərbaycanın material ehtiyatları naziri olub.
Qeyd edək ki, Fərrux Məmmədnəbi oğlu Zeynalov 1942-ci il mayın 4-də Bakı şəhəri Sabunçu rayonunun Bilgəh qəsəbəsində anadan olub. 1959-cu ildə qəsəbə orta məktəbini, 1963-cü ildə Yüngül Sənaye Texnikumunu, 1969-cu ildə isə Çingiz İldırım Azərbaycan Politexnik İnstitutunun (indiki Azərbaycan Texniki Universiteti) tikiş məmulatının texnologiyası fakültəsini bitirmişdir. 1985-ci ildə namizədlik dissertasiyasını müdafiə edərək, iqtisad elmləri namizədi alimlik dərəcəsi alıb.
İlk əmək fəaliyyətinə Bakı Şəhər Əhaliyə Məişət Xidməti İdarəsində fəhlə kimi başlayan Fərrux Zeynalov sonradan həmin idarədə dərzi, biçici, istehsalat müdiri vəzifələrində çalışıb. 1975-83-cü illərdə "Paltarların fərdi tikişi və təmiri" fabrikasının direktoru, 1983-1987-ci illərdə Bakı Şəhər Əhaliyə Məişət Xidməti İdarəsinin rəisi vəzifələrində işləyib. 1987-1992-ci illərdə Nəriman Nərimanov adına Bakı Trikotaj İstehsalat Birliyinin, Azərbaycan Maddi-Texniki Təchizat Komitəsi "Azəryüngülyeyintisənaye" Birliyinin, "Azərtoxucutəchizatsatış" firmasının baş direktoru vəzifələrində çalışıb. Respublika müstəqillik qazandıqdan sonra Fərrux Zeynalov 1992-1997-ci illərdə Azərbaycan Respublikasının Material Ehtiyatları Naziri vəzifəsində (nazirlik ləğv olunana kimi) işləyib. 1999-2005-ci illərdə "Güvən" şirkətinin baş direktoru olub.
XVII və XVIII çağırış Bakı Şəhər Xalq Deputatları Sovetinin, XII çağırış Azərbaycan SSR Ali Sovetinin deputatı seçilmişdir. Milli Şuranın və Milli Məclisin üzvü olub.
2005-ci il noyabrın 6-da 27 saylı Sabunçu ikinci seçki dairəsindən deputat seçilib.
3 övladı var.

Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Mətbəx dizaynında yeni dövr başlayır - Soyuducular gizlədilir
Azərbaycanda 5 min manat maaş alan işçilər kimlərdir?
Azərbaycanlı milyarderlərin Moskvadakı bazarı PUA ilə vuruldu - VİDEO
Vətəndaşlar həyətdəki su quyularına görə pul ödəyəcəklər? - RƏSMİ AÇIQLAMA
DÇ 2026-da BÖYÜK SÜRPRİZ - qrupdan çıxacaq komandalar açıqlandı
Tətil cəhənnəmə dönəcək - Bu insanlarla səyahətə çıxmayın
Bakının ən təmiz çimərlikləri AÇIQLANDI
Qarpız toxumu yemək olarmı? Dietoloqların cavabı təəccübləndirdi
Sabiq icra başçısını oğluna aldığı "Range Rover" satıldı - MƏBLƏĞ
Azərbaycanda yumurtanın qiyməti 1 qəpiyə düşdü: Səbəb nədir?
Gəncədə ağlasığmaz dələduzluq: Maşını lombarda qoydu...
Məşhur aktrisa dünyasını dəyişdi
Nazirliklə deputatın rəhbəri olduğu zavod arasında 21 milyonluq müqavilə
"Doktor Aygün"də pozuntular aşkarlandı - Nümayəndəsi nazirliyi günahlandırdı
TƏBİB-də yeni təyinat