Lənkəran sakininin ağlasığmaz addımıyla bağlı DİN-dən AÇIQLAMA

Yaşadığı evdə qumar oyunları təşkil edən Lənkəran sakini saxlanılıb. Həmin ünvanda qumar oynayan 7 nəfər müəyyən edilərək, barələrində müvafiq tədbirlər görülüb.

Sonxeber.az bildirir ki, məsələ ilə bağlı DİN Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev məlumat verib.

Onun sözlərinə görə, keçirilən baxış zamanı oradan qumar oyunlarına qoyulan pul vəsaiti, oyun kartları aşkarlanaraq götürülüb:

Lənkəran Şəhər Rayon Polis Şöbəsinin əməkdaşlarının daxil olmuş məlumat əsasında keçirdikləri əməliyyat tədbirləri nəticəsində Lənkəran rayon sakini Bəhruz Xudiyevin yaşadığı evdə qumar oyunları təşkil etməsi müəyyən olunub.

Həmçinin, həmin ünvanda qanunsuz qumar oynayan 7 nəfər müəyyən edilərək barələrində qanunamüvafiq tədbirlər görülüb.

Faktla bağlı araşdırma aparılır".

ZAİRA AKİFQIZI

Telegramda izləyin