Azərbaycanda müəllim olmaq çətindir? - Tanınan pedaqoqdan MARAQLI YANAŞMA

Son günlər təhsil ocaqlarında xoşagəlməz hadisələrin sayı artır. Bəzi müəllimlərin şagirdi döyməsinin, şagirdlərin isə məktəbliyə yaraşmayan hərəkətlərinin şahidi oluruq. Sosial şəbəkələrdə 165 saylı tam orta məktəbdə müəllimin sinifdə olmasına məhəl qoymayaraq, uşaqların şagirdə yaraşmayan hərəkətlər etmələri 43 ilin pedaqoquna töhmət qazandırıb. Bu gün Azərbaycanda müəllim olmaq çətindirmi?

Artıq bir neçə ildir ki, xeyirxahlığı, kreativ dərs keçmə üsulu ilə seçilib sevilən və tez bir zamanda sosial şəbəkə fenomeninə çevrilən 30 yaşlı tarix müəllimi Həbib Əlizadə məsələ ilə bağlı Sonxeber.az-a fikrini bildirib.

Onun sözlərinə görə, normal əməkhaqqı ala bilməyib, gecə-gündüz ikinci, üçüncü iş planları fikirləşən, ailəsi yanında çətin durumda qalan, digər tərəfdən də bəzi rəhbər şəxslər və bəzi şagirdlərin valideynləri tərəfindən bullinqə məruz qalan, davamlı problemlərlə qarşılaşan şəxsə belə demotivasiyalı vəziyyətdə müəllim olmaq, əlbəttə, çətindir:

"İkinci və üçüncü işə diqqətini ayıran müəllim, təbii olaraq, məktəb və şagirdlərə yetərli vaxt və diqqət ayıra bilmir. Nəticədə, problemlər şar kimi böyüyür və partlayır.

Problemlərin kökündə ədalətsiz olan və diferensial olmayan maaş sistemi dayanır. Bu, iş mühitində tamamilə demotivasiya yaradır".

ZAİRA AKİFQIZI

Telegramda izləyin